Perezida Kagame yagiranye ibiganiro na Minisitiri w’Intebe Trudeau wa Canada

Yanditswe na Mathias Hitimana
Kuya 11 Ukwakira 2018 saa 10:49
Yasuwe :
0 0

Perezida Paul Kagame unayoboye Umuryango wa Afurika yunze Ubumwe, yagiranye ibiganiro na Minisitiri w’Intebe wa Canada, Justin Trudeau, i Erevan muri Arménie.

Aba bayobozi bombi bitabiriye inama ya 17 y’abakuru b’ibihugu na za Guverinoma bigize Umuryango uhuza ibihugu bikoresha ururimi rw’Igifaransa, OIF.

Minisitiri w’Intebe Trudeau, abinyujije kuri Twitter yatangaje ko baganiriye “ku buryo Canada yakorana n’u Rwanda na Afurika yunze Ubumwe mu guhanga amahirwe agenewe urubyiruko n’iterambere mu nyungu z’ibihugu byombi.”

Aba bayobozi bahuye mu gihe Canada yafashe umwanzuro wo gushyigikira Louise Mushikiwabo unashyigikiwe n’ibindi bihugu byinshi, ku mwanya w’Umunyamabanga Mukuru wa OIF.

Ni nyuma y’uko Canada yemeye gutera umugongo umukandida wayo Michaëlle Jean, wari unamaze imyaka ine muri uyu mwanya. Canada nk’igihugu cya kabiri gifite ijambo muri OIF gifite uruhare runini muri aya matora.

Itorwa ry’Umunyamabanga Mukuru mushya wa OIF ritegerejwe ku mugoroba wo kuri uyu wa Gatanu.

U Rwanda na Canada bisanzwe bifitanye umubano kuva mu 1963.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza