Kwamamaza

Perezida Kagame yabwiye urubyiruko icyo rukwiye kwitaho mbere y’ibindi byose

Yanditswe kuya 13-09-2016 saa 08:05' na Philbert Hagengimana


Mu guha impanuro urubyiruko rw’u Rwanda ahereye ku Intagamburuzwa, Intore z’abanyeshuri bahagarariye abandi mu mashuri makuru na za Kaminuza, Perezida Kagame yavuze ko kwiga ari ngombwa, ariko ko atari cyo cy’ibanze ahubwo ko bakwiye kubanza bagacengerwa n’inkomoko yabo.

Ibyo ni bimwe mu bikubiye mu mpanuro Perezida wa Repubulika yahaye urubyiruko rw’u Rwanda, agamije gutuma rwihatira kubanza kugira igihugu cyabo cyiza, bagatunganya ibibareba imbere mu gihugu mbere y’uko binjira mu ruhando rw’amahanga ngo batangire guhatana ku isoko.

Perezida Kagame yagize ati “Ijya kurisha ihera hehe? [ku rugo], ntabwo twavuga kujyana n’igihe tureba Isi yose uko imeze, uko habaho guhatanira ibintu byinshi, ngo urwo rubuga turujyemo tudahereye iwacu, tudahereye ku gutunganya iby’iwacu.”
Umukuru w’Igihugu yakomeje agira ati “Buri wese, n’ujya kujya ku rugendo agira aho ahera, intambwe ya mbere ihera iwacu kuko ni ho duhagaze, ni ho twita ahacu… Mwebwe nk’urubyiruko, mujye mu mashuri mwige aho muhera hose, mwige kwandika, mwige gusoma, mwige imibare, mwige kuvuga indimi n’ibindi byinshi, ni byiza, ariko ntabwo ari byo by’ibanze. Kwiga ibyo ni ngombwa, ni byiza, ariko ntabwo ari byo bibanza.”

Perezida Kagame yakomeje ababwira igikwiye kubanza ati “Burya rero ikibanza, imizi yabyo ni aho ujya gushyira ubuhumbikiro (pepiniere) cyangwa ikiburamwaka (Nursery) kugira ngo uzamuke ugere no kuri biriya byitwa ‘primary’ (by’ibanze), buriya hari ikindi kintu kiri hanze yabyo, kibihuza: ni uburere, ni umuco, ni ikiguha kuba icyo uri cyo.”

Yakomeje abasobanurira izo ntore icyo itorero risobanuye mu mibereho yabo ati “Hari ibyo mwatangiriyeho rero mukivuka, ku babyeyi banyu, mu byo mwize ku mashuri, uko mwagiye mukura n’aho mugeze. Itorero ni ukubasubiza mu nzira cyangwa kubaha umwanya ngo mutekereze hahandi, aho dukomoka ku muco, ku bituranga.”

Nyuma yo kubaha izo mpanuro hamwe n’izindi zitandukanye, Perezida Kagame yasabye urubyiruko kugira imyumvire yo ku rundi rwego, bakarushaho kubungabunga no gusigasira kandi bagashimangira ibyagezweho, bityo n’ibyo bazakora nyuma yo kurangiza amashuri bikazaba bifite umusingi.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved