Perezida Kagame na Madamu bageze muri Maroc mu nama ku mihindagurikire y’ibihe (Amafoto)

Yanditswe na Kanamugire Emmanuel
Kuya 14 Ugushyingo 2016 saa 10:46
Yasuwe : XX
0

Perezida Kagame na Madamu Jeannette Kagame bageze i Marrakesh muri Moroc aho bitabiriye inama ya 22 y’Umuryango w’Abibumbye yiga ku mihindagurikire y’ibihe (COP 22).

Iyo nama Perezida Kagame na Madamu bitabiriye, ni igice kimwe mu bigize COP 22 yatangiye kuwa 7 Ugushyingo ikazasozwa kuwa 18 Ugushyingo. Iri kubera ahitwa Bab Ighli, mu Mujyi wa Marrakech, ho muri Moroc.

Perezida Kagame araba ari kumwe n’abandi bakuru b’ibihugu basaga 10, mu nama iza kubahuza kuri uyu wa Kabiri tariki ya 15 Ugushyingo, hakaba hitezwe ko bazungurana ibitekerezo ku kuntu hajya haboneka miliyari 100 z’amadolari buri mwaka yo gufasha ibihugu kurwana n’ingaruka z’imihindagurikire y’ibihe.

Urugendo rwa Perezida Kagame muri Moroc ruje rukurikira urwo yaherukagamo muri icyo gihugu, ndetse n’urwo Umwami wacyo, Mohammed V aherutse kugirira mu Rwanda, zose zikaba zari zigamije gutsura umubano w’ibihugu byombi.

Minisitiri w'Ububanyi n'Amahanga, Louise Mushikiwabo mu bitabiriye iyi nama
Perezida Kagame na Madamu bageze muri Maroc mu nama ku mihindagurikire y’ibihe

Amafoto:Village Urugwiro


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza