Kwamamaza

Perezida Kagame mu ruzinduko muri Congo Brazzaville

Yanditswe kuya 27-10-2016 saa 12:26' na IGIHE


Perezida Kagame yagiriye uruzinduko rw’umunsi umwe muri Congo Brazzaville aho yakiriwe na mugenzi we w’iki gihugu, Denis Sassou Nguesso, hamwe n’abandi bayobozi.

Mu gitondo cyo kuri uyu wa Kane nibwo Perezida Kagame yasesekaye ku Kibuga cy’Indege cy’i Brazzaville.

Minisitiri w’Itangazamakuru akaba n’Umuvugizi wa Guverinoma ya Congo Brazzaville, Thierry Moungalla, yatangaje ko Perezida Kagame yamaze kugera muri iki gihugu.

Uru rugendo rwa Perezida Kagame ruje rukurikira urwo Nguesso n’umufasha we Antoinette Sassou Nguesso bagiriye mu Rwanda kuya 16 Ukuboza 2015.

Ibi bihugu byombi bisanzwe bifitanye imigenderanire ndetse n’umubano ukomeye dore ko abakuru b’ibihugu byombi bakunze kugenda babyemeza mu bihe bishize.

Mu 2013 ubwo yaganiraga n’itangazamakuru yakiriwe na Nguesso, Perezida Kagame wari ugiriye uruzinduko rwe rwa gatatu muri icyo gihugu kuva mu 2004, yavuze ko afitanye umubano mwiza na mugenzi we wa Congo.

Icyo gihe yagize ati “ Impamvu naje hano ntabwo ikwiye kuba iya Politiki cyangwa umutekano. Ni ukubaka imibanire myiza. Mfitanye umubano mwiza n’umuvandimwe wanjye Perezida Sassou Nguesso ndetse u Rwanda rufitanye umubano mwiza na Congo.”

Amafoto ya Nguesso ubwo yakirwaga mu Rwanda


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved