Kwamamaza

‘Perezida Kagame asura abaturage akabatega amatwi, njye ndi inde utabikora?’

Yanditswe kuya 3-09-2016 saa 13:43' na Ntakirutimana Deus


Mu mezi arindwi ashize ya 2016 Perezida wa Repubulika Paul Kagame yasuye uturere icumi mu bice bitandukanye by’u Rwanda aganira n’abaturage bahatuye.

Izo ngendo azisohozanya n’akandi kazi aba afite kareba abayobozi bari ku rwego nk’urwe. Nyamara usanga hari bamwe mu bayobozi bo mu Rwanda babonana n’abaturage bagiye kubasaba amajwi abashyira mu myanya runaka bayabona ntibongere kubikoza.

Minisitiri w’Ubutegetsi bw’Igihugu Francis Kaboneka yamaganiye kure bene abo cyane abo mu nzego z’ibanze badakunze kwikoza abaturage.

Yagize ati “Mu bushakashatsi bwagiye bukorwa abaturage bagaragaza ko baheruka abayobozi baza kwiyamamaza bakazasubirayo bagiye kongera kwiyamamaza.”

Yakomeje agira ati “ Bayobozi tureke gutererana abaturage, mureke twegere abaturage, tubatege amatwi twumve ibibazo bafite, dufatanye nabo kubikemura. Ndasaba abagize njyanama yaba iy’umujyi wa Kigali, mu turere n’ahandi kumanuka hose, buri gihe jya utekereza uti’ niyamamaje imbere y’abaturage, sinzasubireyo ari uko ngiye kongera kubasaba amajwi.”

Minisitiri Kaboneka yasabye abayobozi bafite imyitwarire mibi gutera ikirenge mu cya Perezida Kagame.

Ati “Iyo ntabwo ari imiyoborere myiza. Niba dushaka kwimakaza imiyoborere myiza tujye duhera no ku nzego zo hejuru. Reba Nyakubahwa Perezida wa Repubulika buri gihe asura abaturage akicarana nabo akabatega amatwi. Niba abikora njyewe ndi nde, wowe uri nde udashobora kubikora. Kandi uko abikora niko bamugirira icyizere, ubu se bazakugirira icyizere batakubonye?”

Yongeyeho ati “Egera bariya baturage ubaganirize kuko uri intumwa yabo, baragutumye, subirayo ubatumikire, njyanama nimwegere ababatoye nimubane nabo nimubafashe, nimubatege amatwi nimuganire nabo nimubakosore.”

Nubwo hari abafite imyitwarire idahwitse, Minisitiri Kaboneka yavuze ko hari bamwe batangiye kwikosore. Ati “Ndimo gukurikirana za njyanama, hari abatangiye kubikora, nibwo buyobozi niyo miyoborere tugomba kwimakaza, abatarabikora nabo bashobora kuba batangira cyangwa bakazabona ingaruka zabyo zitari nziza.”

Abaturage basurwa n’Umukuru w’Igihugu bakunze kumugezaho ibibazo bitandukanye birimo akarengane bagirirwa n’ibindi biba byakagombye gukemurwa n’abayobozi babari hafi.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 25 September 2016
Copyright © 2009 -2014 - IGIHE Ltd - All Rights Reserved