Perezida Kagame ari mu Buyapani mu nama y’iterambere ry’ Afurika

Yanditswe na Richard Dan Iraguha
Kuya 1 Kamena 2013 saa 11:37
Yasuwe :
0 0

Perezida w’u Rwanda Paul Kagame yaraye ageze mu Buyapani, aho yitabiriye inama ya gatanu ya Ticad (Ticad V), izabera i Yokohama ivuga ku iterambere rya Afurika ikaba iri bufungurwe kuri uyu wa Gatandatu.
Ticad ya Gatanu (Tokyo Internationa Conference on Africa development V) ikaba ari inama izamara iminsi itatu, izaba ifite insanganyamatsiko igira iti : “Dufatane urunana ku bwa Afurika igaragaza ibikorwa”.
Muri iyi nama Perezida Kagame akaba yitezwe kugeza ijambo ku bayitabiriye, riza kuba (...)

Perezida w’u Rwanda Paul Kagame yaraye ageze mu Buyapani, aho yitabiriye inama ya gatanu ya Ticad (Ticad V), izabera i Yokohama ivuga ku iterambere rya Afurika ikaba iri bufungurwe kuri uyu wa Gatandatu.

Ticad ya Gatanu (Tokyo Internationa Conference on Africa development V) ikaba ari inama izamara iminsi itatu, izaba ifite insanganyamatsiko igira iti : “Dufatane urunana ku bwa Afurika igaragaza ibikorwa”.

Muri iyi nama Perezida Kagame akaba yitezwe kugeza ijambo ku bayitabiriye, riza kuba rikubiyemo uburyo Afurika yayoborwa mu iterambere iharanira uburinganire no kongerera ubushobozi abagore.

The New Times dukesha iyi nkuru yanditse ko Perezida Kagame aragirana umubonano na Minisitiri w’Intebe w’u Buyapani Shinzo Abe, aho baza kuganira uko umubano wa Afurika n’u Buyapani uhagaze.

Kugeza ubu abaperezida 39 ba Afurika bakaba aribo bitezwe ko bari bwitabire iyi nama kimwe n’abandi bagera ku 3000 bateganyijwe kwitabira iyi nama, nk’uko byatangajwe na Masaru Sato, ushinzwe itangazamakuru muri Minisiteri y’Ububanyi n’Amahanga y’u Buyapani.

Iyi nama ya Ticad, iba nyuma ya buri myaka itanu, igamije kureba aho iterambere rya Afurika rihagaze mu nzego zitandukanye, ndetse no kugenzura ingorane n’ibibazo, bigashakirwa umuti.

Iyi nama yatangijwe mu 1993 ifite intego yo guhuza abayobozi b’abanyafurika ndetse n’abafatanyabikorwa babo mu iterambere, kugira ngo haganirwe kuri politiki zishyirwaho ku bibazo umugabane wa Afurika uhura nabyo.

Intego eshatu z’ingenzi iyo nama iza kuba yigaho, harimo; kwiyongera k’ubukungu burambye, kubaka sosiyete nyafurika igendera ku bwumvikane, ndetse no gushaka amahoro n’umutekano.

Muri iyi Ticad ya gatanu, abayitabiriye bazarebera hamwe iterambere ry’umubano wa Afurika n’u Buyapani muri mwaka 20 ishize hareberwa ku bikorwa bya Ticad, muri gahunda y’iterambere rya Afurika mu myaka 50 iri imbere.

Iyi nama ihuza abafatanyabikorwa bose mu iterambere rya Afurika n’ibihugu by’abaterankunga, amasosiyete y’ubucuruzi yigenga, ndetse n’imiryango mpuzamahanga nterankunga itegamiye kuri Leta, aho aba bose baba bagendereye kuganira ku iterambere rya Afurika muri rusange, aho binateganyijwe ko bazaganira ku iterambere ry’ubukungu, kugabanya no guca burundu ubukene, ndetse no guca burundu amakimbirane n’intamabra muri Afurika.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza