Kwamamaza

Perezida Kagame aratangiza ku mugaragaro ikoreshwa rya Drones mu Rwanda

Yanditswe kuya 14-10-2016 saa 09:19' na Philbert Hagengimana


Ikigo Zipline cyo muri California muri Leta Zunze Ubumwe za Amerika, kuri uyu wa Gatanu kiramurika ku mugaragaro ikoreshwa ry’utudege tutagira abapilote (drones) mu Karere ka Muhanga mu Ntara y’Amajyepfo, mu muhango uritabirwa na Perezida Kagame.

Ni umushinga utegerejweho ubutabazi bwihuse mu kugeza amaraso ku mavuriro, ariko ukazanifashishwa mu gutwara imiti, inkingo n’ibindi byangombwa nkenerwa ibitaro bishobora gukenera mu buryo bwihuta.

Kugeza amaraso aho akenewe bikunze kugorana bikaba imbogamizi cyane mu bihugu bikiri mu nzira y’amajyambere, aharimo ibikorwa remezo bitameze neza nk’imihanda yangiritse cyangwa ahatari uburyo buhamye bwo kugemura ibikenewe ku mavuriro.

Umuyobozi Mukuru wa Zipline, Keller Rinaudo, w’imyaka 28 urangije amasomo muri Kaminuza ya Harvard, avuga ko mu Rwanda hakoreshwa nibura udusashe tw’amaraso 650000 ku mwaka, nibura kimwe cya kabiri akajya ku babyeyi bahura n’ibibazo byo kuva nyuma yo kubyara naho kimwe cya gatatu kikajya mu bana bafite ibibazo bya malaria.

Rinaudo yavuze ko Guverinoma y’u Rwanda yabemereye ko izajya ibishyura kuri buri maraso bagejeje kwa muganga, nubwo adatangaza byinshi kuri ayo masezerano.

Buri kadege gapima ibilo 13 gashobora kuguruka ibirometero 150 mu kirere, kakagira ikintu kikarasa kugira ngo kabone imbaraga zigahagurutsa ndetse n’ubushobozi bwo kugurukana ikiro 1.5 cy’amaraso.

Indege ihaguruka ku kibuga yagera aho itumwe igasatira ubutaka maze ikarekurira ibyo itwaye ahabugenewe, hitwa "mailbox", ku ivuriro.

Guverinoma y’u Rwanda ifite intego ko buri wese muri miliyoni zisaga 11 z’abatuye u Rwanda azabasha kugerwaho na serivisi z’ibanze kandi zihutirwa mu buvuzi.

Uyu mushinga wo gukwirakwiza amaraso n’imiti uzaterwa inkunga na Zipline, Ikigo gikora Ubwikorezi, UPS, n’ihuriro mpuzamahanga rishinzwe iby’inkingo, Gavi.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved