Perezida Kagame aratangiza ibikorwa byo Kwibuka ku Nshuro ya 24 Jenoside yakorewe Abatutsi

Yanditswe na IGIHE
Kuya 7 Mata 2018 saa 07:17
Yasuwe :
0 0

Perezida Kagame kuri uyu wa Gatandatu arayobora umuhango wo gutangiza ibikorwa byo Kwibuka ku Nshuro ya 24 Jenoside yakorewe Abatutsi mu 1994.

Perezida Kagame na Madamu Jeannette Kagame barashyira indabo ku mva zishyinguyemo abazize Jenoside barenga 250,000, banacane Urumuri rw’Icyizere ku Rwibutso rwa Jenoside rwa Kigali ruri ku Gisozi, mu rwego rwo gutangiza Icyumweru cy’Icyunamo n’iminsi 100 yo Kwibuka.

Biteganyijwe ko Perezida Kagame na Madamu Jeannette Kagame bifatanya n’Abanyarwanda mu Rugendo rwo Kwibuka ku Nshuro ya 24 no mu Mugoroba wo Kwibuka ubera kuri Sitade Amahoro, aho urubyiruko rw’Abanyarwanda bacana Urumuri mu rwego rwo kwibuka abarenga Miliyoni imwe bazize Jenoside yakorewe Abatutsi.

Insanganyamatsiko yo kwibuka ku nshuro ya 24 Jenoside yakorewe Abatutsi igira iti " Twibuke Twiyubaka".

Perezida Kagame ari kumwe na Perezida wa Komisiyo y'Umuryango wa Afurika Yunze Ubumwe, Moussa Faki Mahamat, ubwo yacanaga urumuri rw’icyizere rutangiza ibikorwa byo kwibuka ku nshuro ya 23

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza