Nyuma ya Congo Brazzaville,Perezida Kagame yagiriye uruzinduko muri Gabon

Yanditswe na Philbert Girinema
Kuya 28 Ukwakira 2016 saa 02:15
Yasuwe :
0 0

Perezida Ali Bongo Ondimba uherutse kongera gutorerwa kuyobora Gabon, yatangaje ko yishimiye kwakira Perezida Kagame watangiye uruzinduko rw’akazi muri iki gihugu.

Perezida Kagame agiriye uruzinduko muri Gabon nyuma y’urwo yarimo mu ntangiriro z’icyumweru muri Mozambique rwamaze iminsi ibiri rukurikirwa n’urwo yagiriye muri Congo Brazaville kuri uyu wa Kane.

Mu gitondo cyo kuri uyu wa Gatanu nibwo Ondimba yatangaje ko yishimiye kwakira Perezida Kagame ugiriye uruzinduko rw’akazi mu gihugu cye.

Perezida Ondimba yatangaje ko uruzinduko rwa Perezida Kagame muri iki gihugu rugamije gushimangira umubano w’ibihugu byombi mu nzego zijyanye n’ubukungu, ikoranabuhanga, ubuhinzi n’ibidukikije.

Iki gihugu giherutse kubamo imvururu zaturutse ku byavuye mu matora y’Umukuru w’Igihugu aho Jean Ping wari uhanganye na Ondimba usanzwe ayobora iki gihugu yanze amajwi yatangajwe akavuga ko ari we watsinze.

Byaje gutuma Imiryango itandukanye mpuzamahanga isaba ko amajwi yongera kubarurwa maze byemezwa ko Ondimba ariwe Perezida w’Igihugu atsinze ku majwi 49.85% kuri 48.16% ya Ping bari bahanganye.

Perezida Ali Bongo Ondimba yakira Perezida Kagame ku kibuga cy'indege
Perezida Ali Bongo Ondimba aganira na Perezida Kagame

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244