Nyirahabimana yatsindiye miliyoni muri poromosiyo ’Ba Miliyoneri’

Yanditswe na Uwishyaka Jean Louis
Kuya 14 Ugushyingo 2016 saa 02:21
Yasuwe : XX
0

Nyirahabimana Théodette, utuye mu Karere ka Kamonyi, Akagari ka Gihara, Umudugudu wa Rubona, yiyongereye mu banyamahirwe bamaze kwegukana akayabo ka miliyoni imwe y’amanyarwanda atangwa muri poromosiyo ya ’Ba Miliyoneri’ yateguwe na Tigo.

Nyirahabimana umaze umwaka arangije kwiga amashuri yisumbuye, avuga ko yamenye iby’iyi poromosiyo binyuze mu butumwa bugufi yohererejwe.

Ati "Namenye ibijyanye na poromosiyo ya Ba Miliyoneri binyuze mu butumwa bugufi Tigo yanyoherereje, buvuga ko hari poromosiyo yitwa Ba Miliyoneri aho umuntu akanda *155# cyangwa akohereza ijambo ”TIGO” mu nyuguti nkuru kuri 155 akaba yiyandikishije mu banyamahirwe batsindira amafaranga agera muri miliyoni eshanu ku munsi."

"Nkimara kumenya iby’ iyi poromosiyo, nahise ntangira kujya nshaka ama inite nkagerageza gukina mu cyumweru uko nshoboye, ubu bampamagaye maze ibyumweru bitatu nkina."

Yakomeje agira ati "Bampamagaye hari ahantu mvuye ndi kuri moto, mbanza kumva ko atari byo binsaba kuva kuri moto, barongera barampamagara babinyumvisha neza. Ariko kubera ibyishimo byinshi sinabyumvaga neza naje kubyemera ari uko banyoherereje ubutumwa bugufi bumbwira kuza kuri Tigo gufata ibihembo byanjye. Nishimye cyane ku buryo ntabasha gusobanura."

Nyirahabimana avuga ko akirangiza kwiga yari afite igitekerezo cyo gutangira umushinga ariko akabura ubushobozi, bityo rero ngo nyuma yo gutsindira miliyoni imwe muri poromosiyo ya Ba Miliyoneri, agiye kuwutangira kugira ngo yiteze imbere uko ashoboye.

Yashimiye ubuyobozi bwa Tigo agira ati "Sinzi ikintu naha ubuyobozi bwa Tigo kuko bumfashije guhindura ubuzima bwanjye, gusa ndabushimira cyane ku bw’igitekerezo cyiza cya poromosiyo ya Ba Miliyoneri bagize, ni igikorwa cyiza cyo gushimira abafatabuguzi bayo."

Avuga ko agiye gukomeza kurushaho gukina kugira ngo arebe ko amahirwe yakongera kumusekera agatsindira igihembo nyamukuru cya miliyoni 10.

Nyirahabimana yiyongereye mu bandi banyamahirwe bashimiwe na Tigo binyuze muri Poromosiyo ya Ba Miliyoneri
Avuga ko amafaranga yatsindiye agiye kumufasha gutangira umushinga we wari waraheze mu bitekerezo ku bw'ubushobozi buke

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza