Kwamamaza

Nyarugenge yasabwe gushyira mu mihigo kugabanya umubare w’abacyibona mu moko

Yanditswe kuya 3-10-2016 saa 19:46' na Ntakirutimana Deus


Raporo ku gipimo cy’ubumwe n’ubwiyunge mu Rwanda igaragaza ko akarere ka Nyarugenge kaza amuri tune dufite abaturage benshi bagaragaza ingengabitekerezo ya Jenoside ku kigero cyo hejuru nyuma ya Rubavu, Musanze na Gasabo.

Aka karere gafite abaturage bagera kuri 70% bacyibona mu ndorerwamo y’amoko na 59% bafite ingengabitekerezo ya Jenoside.

Ubwo hatangizwaga icyumweru cy’ubumwe n’ubwiyunge cy’uyu mwaka, Perezida w’Inteko Ishinga Amategeko,Umutwe w’Abadepite, Mukabalisa Donathille yasabye abatuye aka karere guhiga ko kazagabanya umubare w’abacyibona mu ndorerwamo y’amoko n’abafite ingengabitekerezo ya Jenoside.

Yagize ati “Ubushakashatsi bwagaragaje ko Nyarugenge iza ku mwanya wa kane mu kugira ibipimo biri hejuru by’abacyibona mu ndorerwamo y’amoko n’abafite ingegabitekerezo ya Jenoside.”

“Iyo tuvuze ko abantu bacyibona mu ndorerwamo y’amoko mu karere ka Nyarugenge bageze kuri 70% , abafite ingengabikerezo ya Jenoside bakaba bari ku gipimo cya 59% ,ni ikibazo gikomeye.”

Yasabye abatuye ako karere gukora ibishoboka bakagabanya iyo mibare, biciye mu kwigira hamwe bakareba uburyo byakemuka, ku buryo mu myaka itanu hazasohoka indi raporo iKAgaragaza neza.

Umuyobozi w’Umujyi wa Kigali, Mukaruliza Monique yavuze ko icyo ari ikibazo bagiye guhagurukira bahuriza abantu mu bikorwa bitandukanye nka koperative n’ibindi kuko ngo byose bituma abantu bongera ubwizerane, ubumwe n’ubwiyunge bugatera imbere.

Umuyobozi w’Akarera ka Nyarugenge,Kayisime Nzaramba yavuze ko bagiye gukora ibishoboka byose bagakemura ibyo bibazo, baganira n’abaturage babereka ko hari ikibahuza gikomeye kuruta kure icyo bapfa nk’Abanyarwanda.

Hazashyirwa kandi imbaraga mu kwitabira Itorero kuko abahajya bavanayo indangagaciro zituma bahindura imyumvire ndetse ngo bazafasha abiga mu mashuri yisumbuye, amakuru na za kaminuza gutangiza amatsinda y’Ubumwe n’Ubwiyunge, n’ibindi.

Ubwo Umunyamabanga Nshingwabikorwa wa Komisiyo y’Igihugu y’Ubumwe n’Ubwiyunge,Fidèle Ndayisaba yagezaga iyo raporo ku badepite yavuze ko ikibazo cy’ibipimo biri hejuru mu bibona mu moko, kigaragara mu turere tw’Umujyi wa Kigali duhuriyemo abantu benshi baturuka mu turere dutandukanye.

Ibyo ngo bitandukanye no mu turere twa Rutsiro aho abaturage usanga ari abaturanye guhera kera, mu gihe ahari abimukira benshi nka Nyagatare na ho ibipimo biri hejuru, kimwe no mu turere twa Musanze na Rubavu, hakomoka abahoze mu buyobozi bwa kera.

Mukabalisa ageza ubutumwa ku baturage

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved