Kwamamaza

Nyarugenge: Hatoraguwe umurambo w’umwana mu gishanga

Yanditswe kuya 26-09-2016 saa 17:11' na Thamimu Hakizimana


Umurambo w’umwana w’umuhungu uri mu kigero cy’imyaka 12 bikekwa ko yishwe n’umuvu watoraguwe mu gishanga cya Rwampara hafi na Cercle Sportif de Kigali mu gitondo cyo kuri uyu wa Mbere, tariki ya 26 Nzeri 2016.

Umwe mu baturage utashatse ko amazina ye atangazwa yabwiye IGIHE ko uyu mwana ashobora kuba yabuze mu ijoro ryo ku munsi w’ejo ku Cyumweru, bakaza kumusanga yatwawe n’amazi mu gitondo cy’uyu munsi.

Umuvugizi wa Polisi mu Mujyi wa Kigali, Supt Hitayezu Emmanuel yabwiye IGIHE ko uyu murambo w’uyu mwana wagaragaye ahagana saa moya za mu gitondo zo kuri uyu wa Mbere mu mugezi uri mu gishanga cya Rwampara kigabanya Akarere ka Nyarugenge na Kicukiro ndetse ko bikekwa ko ashobora kuba yarishwe n’umuvu w’imvura yaguye mu ijoro ryo kuri iki Cyumweru.

Yagize ati “ Nibyo twabashije kubwirwa ko hari umurambo w’umwana wabonetse mu mugezi ugabanya Nyarugenge na Kicukiro Polisi ihita yihutira kuhagera ikuramo umurambo we, iwujyana ku bitaro bya Kacyiru kugira ngo usuzumwe.”

Yakomeje agira ati “ Turacyashakisha amazina ye n’ababyeyi be cyane cyane ko hari abaturage bavuze ko hari umubyeyi bazi wabuze umwana ku buryo byabaye ngombwa ko tumuhamagaza ngo aze arebe ko ari uwe."

Supt Hitayezu Emmanuel yasabye ababyeyi kujya barinda abana babo kwegera za ruhurura cyane cyane mu gihe cy’imvura kuko imivu yayo ishobora kubatwara ndetse no kwirinda kwambuka imigezi mu bihe nk’ibyo bitewe n’uko ishobora kubateza ibibazo bishobora kubaviramo n’imfu.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 11 Ukuboza 2016
Copyright © 2009 -2014 - IGIHE Ltd - All Rights Reserved