Kwamamaza

Nyarugenge: Ubuyobozi bwatangiye gufungira abacururiza muri Kiosque no ku mabaraza

Yanditswe kuya 6-10-2016 saa 12:16' na Hakizimana Thamimu


Ubuyobozi bw’Umurenge wa Nyarugenge mu Karere ka Nyarugenge bwatangiye kurwanya ubucuruzi bwo mu kajagari bufungira imiryango abacururizaga muri Kiosque no ku mabaraza y’amaduka atandukanye yo mu Mujyi wa Kigali.

Umunyamabanga Nshingwabikorwa w’Umurenge wa Nyarugenge, Havuguziga Charles yabwiye IGIHE ko byakozwe ngo hashyirwe mu bikorwa umwanzuro wo guhagarika ubucuruzi bukorwa mu kajagari wafashwe n’inzego zitandukanye z’ubuyobozi bw’Umujyi wa Kigali.

Yagize ati “ Ntabwo ari bishya ahubwo twabikoze mu rwego rwo gushyira mu bikorwa umwanzuro wari warafashwe wo guca ubucuruzi bukorwa mu kajagari, twahereye ku bacururizaga ku mabaraza y’amaduka atandukanye yo muri uyu murenge n’abakoreraga muri kiosque kuko ubucuruzi nk’ubwo butemewe.”

Gusa bamwe mu bacuruzi bafungiwe ibikorwa by’ubucuruzi, bavuze ko batunguwe n’uyu mwanzuro ngo kuko bari basanzwe batanga imisoro ya Leta.

Ibi bije nyuma y’uko Umujyi wa Kigali washyizeho amabwiriza yo gukumira ubucuruzi bukorwa mu kajagari, aho ufashwe abikora yakwa ibyo yacuruzaga byose ndetse we n’uwamuguriraga bagacibwa amande angana n’ibihumbi icumi by’amafaranga y’u Rwanda.

bamwe mu bacururizaga muri Kiosque bafungiwe
Bamwe mu bacuruzi bari gufunga amaduka yabo
Amatangazo bashyira aho bafunze

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 20 Ugushyingo 2016
Copyright © 2009 -2014 - IGIHE Ltd - All Rights Reserved