Nyarugenge: Rya shuri abanyeshuri bicaraga hasi, ryahawe intebe

Yanditswe na Thamimu Hakizimana
Kuya 21 Mata 2017 saa 06:57
Yasuwe :
0 0

Ishuri rya GS kabusunzu riherereye mu Murenge wa Nyakabanda mu Karere ka Nyarugenge ryashyikirijwe intebe 173 mu rwego rwo kugabanya umubare w’abanyeshuri bicaraga kuri imwe ari benshi.

Ibi bije nyuma y’uko hari hashize iminsi bamwe mu banyeshuri 3066 biga mu Rwunge rw’Amashuri rwa Kabusunzu biga bahagaze abandi bicaye hasi bitewe n’ikibazo cy’intebe zidahagije.

Kuri uyu wa Kane tariki ya 20 Mata 2017, ni bwo Akarere ka Nyarugenge n’umufatanyabikorwa Right Toplay bashyikirije ubuyobozi bwa GS Kabusunzu intebe 173 ndetse bunaha amakayi abanyeshuri 50 bavuka mu miryango ikennye.

Umuyobozi wa GS Kabusunzu, Murinda Joseph Eric, yabwiye IGIHE ko izi ntebe bahawe zizatuma nta bana bazongera kwicara barenze batatu.

Yagize ati “ Biradushimishije cyane kuba tubonye izi ntebe 173 kubera ko twari twabanje gusana izindi zigera ku 100 tunakora ubuvugizi ariko kuba tubonye izi birongera bidufashe kwicaza neza abandi bana 519, gusa n’ubwo bidakemuye ikibazo 100% ariko hejuru ya 95% kiracyemutse kuko nta banyeshuri bazongera kwicara ku ntebe barenze batatu.”

Yakomeje avuga ko nyuma y’iyi nkunga y’izi ntebe bahawe bakeneye intebe 100 gusa kugira ngo bakemure iki kibazo burundu.

Umuyobozi wungirije w’Akarere ka Nyarugenge ushinzwe imibereho myiza y’Abaturage, Jean Marie Vianey Ndayisenga, nawe yemeza ko izi ntebe iki kigo cyahawe zizatuma abanyeshuri barushaho kwiga neza.

Yagize ati “Izi ntebe zari zikenewe kuko byari byaragaragaye ko izari zihari zari zishaje ndetse zaranangiritse ku buryo abana bari batangiye kwiga bahagaze ku buryo ibi biza kudufasha kuko iyo abana bicaye neza bakurikira neza ku buryo dufite icyezere ko ireme ry’uburezi muri iki kigo rigomba kuzamuka.”

Yasoje yizeza ubuyobozi bw’iki kigo ko Akarere ka Nyarugenge kazabafasha binyuze mu ngengo y’imari y’umwaka utaha mu gushaka izindi ntebe kugira ngo iki kibazo kirangire burundu.

Ubuyobozi bw’umuryango mpuzamahanga ukoresha imikino na siporo mu kwigisha no kuzamura imibereho y’abana (Right Toplay), bwo bwavuze ko iyi nkunga irimo intebe n’amakayi yahawe abana 50 bavuka mu miryango itishoboye ifite agaciro k’asaga miliyoni eheshatu z’amafaranga y’u Rwanda.

Umuyobozi wungirije w’Akarere ka Nyarugenge ushinzwe imibereho myiza y’Abaturage, Jean Marie Vianney
Umunyamabanga Nshingwabikorwa w'Umurenge wa Nyakabanda, Huss Miniique, aha umwana uvuka mu muryango utishoboye amakayi
Intebe zigera ku 173 nizo iri shuri ryahawe
Umuyobozi wungirije w’Akarere ka Nyarugenge ushinzwe imibereho myiza y’Abaturage, Jean Marie Vianey Ndayisenga, yemeza ko izi ntebe iki kigo cyahawe zizatuma abanyeshuri barushaho kwiga neza
Iri shuri ryari rimaze iminsi abanyeshuri bamwe bicara hasi abandi biga bahagaze

Inkuru bifitanye isano:

- Ishuri rya Kabusunzu ryabaye isibaniro ry’ibibazo

- Akarere ka Nyarugenge kiyemeje gukemura ikibazo cy’ubucucike bw’abanyeshuri muri GS Kabusunzu


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244