Kwamamaza

Nyarugenge: Inzu zubakiwe incike za Jenoside zatangiye gushyirwamo amashanyarazi

Yanditswe kuya 3-11-2016 saa 17:11' na Thamimu Hakizimana


Ubuyobozi bw’Akarere ka Nyarugenge bwatangije igikorwa cyo gushyira amashanyarazi mu nzu z’incike za Jenoside yakorewe Abatutsi muri Mata 1994 zubatse mu Mudugudu w’icyitegererezo mu Kagari ka Nyarurenzi mu Murenge wa Mageragere.

Ku mugoroba wo ku wa Gatatu tariki ya 2 Ugushyingo 2016, nibwo itsinda ry’abayobozi b’Akarere ka Nyarugenge batangiye iki gikorwa cyo gusakaza amashanyarazi mu nzu z’abaturage.

Umuyobozi w’Akarere ka Nyarugenge, Kayisime Nzaramba, yavuze ko iki gikorwa cyatwaye miliyoni eshatu n’ibihumbi 800 cyakozwe mu rwego rwo gushyigikira izo ncike za Jenoside ndetse no kubakura mu bwigunge bakabaho nk’abandi baturage.

Yagize ati “ Uyu munsi twaje kugira ngo turemere incike za Jenoside yakorewe Abatutsi twubakiye aha, kuko twari twubatse inzu ariko ntitwashobora guhita turangiza ibikorwa byose ngo mu nyubako zabo dushyiremo n’amashanyarazi.”

Yakomeje avuga iki gikorwa kiri muri gahunda y‘Ukwezi kwahariwe gukunda igihugu yaranzwe n’ibikorwa bitandukanye, birimo ibitaramo, kuganiriza urubyiruko no kuremera abagore batishoboye Akarere ka Nyarugenge kakoze ku bufatanye n’Urugaga rw’Abagore rushamikiye kuri FPR Inkotanyi.

Irakoze Eugénie utuye mu Mudugudu w’Iterambere mu Kagari ka Nyarurenzi wahawe amashanyarazi yagize ati “ Turishimye cyane kuko ingorane twari dufite zari nyinshi, twabaga ahantu hatabona bigatuma twinjira mu nzu saa kumi n’ebyiri n’igice, kubera kwikanga ko hari icyaduhungabanya ku buryo hari n’igihe inzoka zatugwagaho tukabura uko tuzica.”

Yongeyeho ko aya mashanyarazi bahawe azabagabanyiriza n’ingendo za hato na hato bakoraga bajya guzisharija telefone zabo.

Ku ikubitiro inzu eshatu muri 15 zubatswe muri aka gace, nizo zahise zishyirwamo amashanyarazi, biteganyijwe ko n’izindi zose kuri uyu wa Kane tariki ya 3 Ugushyingo 2016 zigomba gucanirwa.

Inzu zatangiye gushyirwamo amashanyarazi
Umuyobozi w'Umujyi wa Kigali, Mukaruliza Monique(uwa kabiri uhereye iburyo) mu bitabiriye igikorwa cyo gucanira inzu zubakiwe incike za Jenoside muri Mageragere
Irakoze Eugénie yemeza ko amashanyarazi bahawe azabafasha kwiteza imbere
Umuyobozi w'Akarere ka Nyarugenge, Kayisime Nzaramba, yatangaje ko ibi bikorwa bigamije gushyigikira incike za Jenoside no kubereka ko batari bonyine

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved