Kwamamaza

Nyarugenge: Habonetse umurambo w’umwana muri ruhurura

Yanditswe kuya 28-09-2016 saa 11:10' na Thamimu Hakizimana


Umurambo w’umwana wagaragaye wahagamye muri ruhurura nini iri hafi y’ikibuga cy’Ishuri ryisumbuye rya APE Rugunga riherereye mu Karere ka Nyarugenge, mu Mujyi wa Kigali.

Saa mbiri za mu gitondo zo kuri uyu wa Gatatu tariki ya 28 Nzeri 2016, ni bwo umurambo w’uyu mwana w’umuhungu witwa Niyonzima Claude w’imyaka itandatu wagaragaye muri ruhurura yo mu Mudugudu wa Ganza mu Kagari ka Kiyovu, Umurenge wa Nyarugenge.

Ababyeyi b’uyu mwana batuye mu Murenge wa Kigarama mu Karere ka Kicukiro.

Bamwe mu baturage bari aho wagaragaye babwiye IGIHE ko bakeka ko uyu waba ari uw’umwana wo mu muhanda, watembanywe n’umuvu w’imvura.

Umwe yagize ati “ Njye ndakeka ko uyu ari nko muri ba bana bo mu muhanda birarira muri za ruhurura.”

Umuvugizi wa Polisi mu Mujyi wa Kigali, Supt. Hitayezu Emmanuel, yabwiye IGIHE ko aya makuru bamaze kuyamenya ndetse bahise bajya gukuramo uwo murambo, bakawujyana ku Bitaro bya Kacyiru ngo ukorerwe isuzuma.

Yagize ati “Tukibimenya inzego zibishinzwe zahise zijyayo kumuvanamo hanyuma iperereza rirahita ritangira kugira ngo tumenye icyamwishe uretse ko bigaragara ko amaze iminsi.”

Gusa abaturage barasaba ko iyo ruhurura yagaragayemo umurambo w’umwana yakorwa kuko ngo ishobora kuzabamarira abana bitewe n’uburyo igenda yaguka umunsi ku wundi.

Uyu murambo ugaragaye muri aka gace nyuma y’undi na wo w’umwana wari mu kigero cy’imyaka 12 wagaragaye mu gishanga giherereye hafi na Cercle Sportif de Kigali (ni mu gace kamwe) ku wa Mbere w’iki cyumweru, bikekwa ko yari yatembanywe n’umuvu.

Umurambo wari wahagamye muri ruhurura
Bikekwa ko yaba yari umwana wo mu muhanda watembanywe n'umuvu w'amazi y'imvura
Abaturage batewe ubwoba n'uko iyi ruhurura igenda yaguka buri munsi

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved