Kwamamaza

Nyarugenge: Bakimara gukora ikizamini cya leta, bamenaguye ibirahure by’amashuri

Yanditswe kuya 5-11-2016 saa 09:41' na Thamimu Hakizimana


Abanyeshuri bo mu mwaka wa Gatandatu w’amashuri abanza mu kigo cya Kimisagara ho mu Karere ka Nyarugenge mu Mujyi wa Kigali bamennye ibirahuri by’amashuri bigagamo nyuma yo gusoza ibizamini bya Leta.

Ibi abo banyeshuri babikoze ku wa Kane tariki ya 3 Ugushyingo 2016, ubwo bamaraga gukora ikizamini cya Leta cya nyuma, hakaba hakekwa ko ari urugomo rwabateye kubikora.

Umuyobozi w’ikigo cy’amashuri abanza cya Kimisagara, Mukaneza Jeanine, yabwiye IGIHE ko abo banyeshuri bamennye ibirahuri by’amashuri atanu.

Yagize ati “ Nibyo bitwaye nabi bamaze gukora ibizamini bya Leta bamena ibirahuri by’amashuri atanu yo mu mwaka wa Gatandatu ndetse ababikoze turimo kubashakisha kugira ngo ababyeyi babo babyishure.”

Iyo myitwarire mibi y’abo banyeshuri, yatumye ubuyobozi bw’icyo kigo bufata icyemezo cyo kudaha indangamanota bamwe mu banyeshuri bigaga mu mwaka wa Gatandatu bacyekwa kuba aribo bakoze urwo rugomo kugira ngo ababyeyi babo bazabanze barihe ibyo birahuri.

Bamwe mu banyeshuri biga mu mwaka wa Gatandatu bavuze ko batishimiye iki cyemezo cy’ubuyobozi bw’ikigo cyabo cyo kutabaha indangamanota ngo kuko hari ababirenganiyemo.

Umwe yagize ati “ Nibyo rwose ibirahuri by’amashuri yo mu mwaka wa Gatandatu uko ari atanu bagiye babimena ariko mu babikoze njye sindimo ku buryo numvaga ntakwiye kwimwa indangamanota yanjye kubera ntatunguka imbere y’ababyeyi banjye ntayifite.”

Muri iki kigo cya Kimisagara harimo bamwe mu bana bakigaragarwaho imico mibi irimo iy’ubujura, kunywa itabi ndetse n’urumogi.

Iki kigo gifite abanyeshuri 3648 barimo 368 biga mu mashuri yisumbuye ndetse n’abagera ku 3280 bo mu mashuri abanza.

Bamwe mu banyeshuri bagaragaza ibirahure byagiye bimenwa na bagenzi babo
Bamwe mu bimwe indangamanota mu gihe cy'agateganyo kugira ngo berekane abamennye ibirahure

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved