Nyarugenge: Abantu 1447 bafashwe barenze ku mabwiriza ya COVID-19 harimo abasanzwe mu tubari

Yanditswe na Akayezu Jean de Dieu
Kuya 13 Gashyantare 2021 saa 03:50
Yasuwe :
0 0

Ubuyobozi bw’Akarere ka Nyarugenge bufatanyije n’inzego z’umutekano bwafashe abaturage 1,447 barenze ku mabwiriza yo kwirinda ikwirakwira rya COVID-19, barimo abafatiwe mu tubari, abatambaye agapfukamunwa ndetse n’abarengeje amasaha yo gutaha.

Imibare yatangajwe n’ubuyobozi bw’Akarere ka Nyarugenge, igaragaza ko kuva tariki 7 Gashyantare kugeza 12 Gashyantare 2021, hari utubari 12 twafashwe turi gukora mu gihe amabwiriza yo kwirinda COVID-19, ateganya ko utubari twose dufunze.

Muri utwo tubari 12, hasanzwemo abantu 41, barimo ba nyiratwo, abasanzwe baje kuhanywera, bose barafashwe bacibwa amande bajyanwa no muri Stade kwigishwa ubukana bwa Coronavirus no kongera kwibutswa ko ari ngombwa kwirinda.

Muri iyo minsi kandi abantu 420 bafashwe batambaye agapfukanunwa kubahiriza isaha byarenzweho n’abantu 924,imodoka 64 moto12,abantu 63 bafashwe batubahirije intera.

Ushinzwe itumanaho mu Karereka Nyarugenge,Serugendo Jean de Dieu, yabwiye IGIHE ko mu bafatiwe mu tubari hari harimo n’abacuruza inzoga zitemewe ariko abenshi muri bo ngo bahise biruka, baracyashakishwa.

Yagize ati “Bariya ni abafashwe hari n’ababa bahise birukanka, bagacibwa twizera ko hari igihe abantu bazagera noneho bakumva neza kuko kuva tukibona abarwayi ni uko hari abantu barenga ku mabwiriza.”

Yavuze ko hashyizweho amatsinda kuva hasi ku mudugudu bakagenda bigisha ku gira ngo buri muntu wese agerweho n’ubutumwa bwo kwirinda COVID-19.

Amabwiriza ya Minisiteri y’Ubutegetsi bw’Igihugu, ateganya ko umuntu wese ufatwa yafunguye akabari muri ibi bihe bya COVID-19 acibwa amande y’ibihumbi 150 Frw mu gihe ugafatiwemo ari kunywa inzoga acibwa ibihumbi 25 Frw.

Abantu batandukanye bafashwe barenze ku mabwiriza yo kwirinda COVID-19 muri Nyarugenge
Inzoga zafatiwe mu tubari harimo n'iz'inkorano zitemewe mu Rwanda
Nyuma yo gufatwa bahita bajyanwa muri Stade bakigishwa bakahava banaciwe amande yo kurenga ku mabwiriza yo kwirinda COVID-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .