Nyarugenge: Abantu 10 bafatiwe mu cyuho bari kunywera inzoga mu kabari

Yanditswe na Thamimu Hakizimana
Kuya 6 Gashyantare 2021 saa 05:14
Yasuwe :
0 0

Abaturage icyenda bo mu mu Kagari ka Agatare mu Murenge wa Nyarugenge, Akarere ka Nyarugenge, bafatiwe mu cyuho bari kunywera inzoga mu kabari kandi barengeje amasaha yo kuba bageze mu rugo, nk’uko amabwiriza ya Guma mu Rugo yashyizweho mu rwego rwo kwirinda ikwirakwira rya Coronavirus mu Mujyi wa Kigali abigena.

Abafashwe barimo abagore babiri n’abagabo umunani. Aba baturage barimo na nyir’akabari bakimara gufatwa baciwe amande, bahita banajyanwa muri Stade ya Kigali i Nyamirambo kugira ngo basobanurirwe amabwiriza yo kwirinda Coronavirus kugira ngo batazongera kugwa mu makosa akomeye gutyo.

Kugira ngo batabwe muri yombi, byagizwemo uruhare n’abaturage batanze amakuru ku buyobozi bw’inzego z’ibanze, nabwo bugahita butangira gukurikirana icyo kibazo. Ababibonye bemeza ko byari bigoye kubatahura bitewe n’uko akabari banyweragamo kari gafunzwe.

Umunyamabanga Nshingwabikorwa w’Umurenge wa Nyarugenge, Mukandahiro Hidayat, yabwiye IGIHE ko kuva gahunda ya Guma mu Rugo yatangira, bamaze gufata abantu bagera ku 100 bafatiwe mu cyuho bari kunywera inzoga mu tubari kandi bitemewe.

Yagize ati “ni amakuru twahawe n’abaturage, tukimara kubafata twafunze akabari duhamagaza imodoka ya polisi iraza ibatwara kuri stade ya Kigali Nyamirambo.”

Yaboneyeho gusaba abaturage kumva uburemere bw’icyorezo cya Coronavirus no kwirinda gushaka inyungu banyuranya n’amabwiriza kuko bituma iki cyorezo gikwirakwira hose.

Bafashwe bari kunywera inzoga mu kabari kandi bitemewe
Bahise bajyanwa muri sitade kwigishwa ku ngamba zo kwirinda Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .