00:00:00 IGIHE NETWORK KN KINYARWANDA EN ENGLISH FR FRANCAIS

Nyanza: Abanyerondo batatu na Mudugudu bakurikiranyweho gukubita umugabo agapfa

Yanditswe na Prudence Kwizera
Kuya 23 Nzeri 2021 saa 09:56
Yasuwe :
0 0

Abanyerondo batatu n’Umuyobozi ushinzwe Umutekano mu Mudugudu wa Kavumu mu Kagari ka Nyanza, mu Murenge wa Busasamana mu Karere ka Nyanza, batawe muri yombi bakurikiranyweho gukubita umugabo bikamuviramo urupfu.

Ku wa 16 Nzeri 2021 ni bwo umugabo witwa Tubanambazi Boniface wo mu Murenge wa Busasamana mu Karere ka Nyanza yakubiswe n’abantu ubwo yari yakimbiranye n’umugore we, amaze gukubitwa arapfa.

Icyo gihe Tubanambazi w’imyaka 36 yakimbiranye n’umugore we biba ngombwa ko ubuyobozi bw’umudugudu butabara buri kumwe n’irondo.

Umugore we yashinje abanyerondo kumukubita ariko bo bakabihakana bavuga ko basaza be ari bo bamukubise nyuma y’uko bamurekuye.

Umunyamabanga Nshingwabikorwa w’Umurenge wa Busasamana, Bizimana Egide, yabwiye IGIHE ko uwo mugabo akimara gupfa hahise hatangira iperereza kugira ngo abamwishe babiryozwe.

Abanyerondo batatu n’umuyobozi ushinzwe umutekano mu Mudugudu wa Kavumu, bahise batabwa muri yombi n’Urwego rw’Igihugu rw’Ubugenzacyaha, RIB.

Ati “Hafunzwe abanyerondo batatu n’ushinzwe umutekano mu Mudugudu kugira ngo bakorweho iperereza kuko umugore wa nyakwigendera yabashinje ko ari bo bamukibitiye umugabo bimuviramo urupfu.”

Bose bafashwe ku wa Gatanu tariki ya 17 Nzeri nyuma y’umunsi umwe icyaha bakekwaho gikozwe.

Inkuru wasoma: Nyanza: Umugore arakekwaho gukubitisha umugabo we bikamuviramo urupfu.

Ibiro by'Umurenge wa Busasamana mu Karere ka Nyanza

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .