Kwamamaza

Nyanza: Abakozi umunani b’Akarere bafunzwe bakekwaho ibyaha muri VUP

Yanditswe kuya 16-11-2016 saa 14:37' na Prudence Kwizera


Abagera ku munani barimo abayobozi n’abandi bahoze bayobora mu nzego zitandukanye mu Karere ka Nyanza batawe muri yombi na Polisi, bakekwaho kunyereza amafaranga yagenewe abaturage batishoboye muri VUP.

Abatawe muri yombi barimo Theophile Kayigambire ushinzwe imiyoborere myiza mu karere, Herman Rutabagisha wari Umunyamabanga Nshingwabikorwa w’Umurenge wa Nyagisozi, Laurent Mbonigaba wari ushinzwe VUP na gahunda ya Girinka, mu murenge wa Nyagisozi n’abandi.

Umuvugizi wa Polisi mu Ntara y’Amajyepfo, CIP André Hakizimana yavuze ko bari gukorwaho iperereza kandi hari n’abandi bashobora gufatwa mu minsi ya vuba.

Yagize ati “Nibyo abatawe muri yombi ni abantu umunani bahoze bayobora mu mirenge itandukanye y’akarere ka Nyanza, batawe muri yombi kuri uyu wa Mbere, ubu bari gukorwaho iperereza kugira ngo bashyikirizwe ubushinjacyaha”.

CIP Hakizimana Yakomeje avuga ko abatawe muri yombi bafungiye kuri sitasiyo ya Polisi ya Busasamana, iherereye mu murenge wa Busasamama mu karere ka Nyanza.
Yasoje agira inama abayobozi kubahiriza inshingano zabo zo kuyobora abaturage neza no kubagezaho ibibagenewe.

Umuvugizi wa Polisi mu Ntara y’Amajyepfo, CIP André Hakizimana yavuze ko bari gukorwaho iperereza kandi hari n’abandi bashobora gufatwa mu minsi ya vuba

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved