Kwamamaza

Rwezamenyo: Akurikiranyweho gutwikira umugore we mu nzu bikamuviramo urupfu

Yanditswe kuya 15-09-2016 saa 11:16' na Thamimu Hakizimana


Umugabo utuye mu Mudugudu w’Abatarushwa mu Kagari ka Rwezamenyo ya I mu Murenge wa Rwezamenyo mu Karere ka Nyarugenge akurikiranyweho gutwikira mu nzu uwahoze ari umugore we uzwi ku zina rya Tina bikamuviramo no gupfa.

Ibi byabaye ahagana saa saba z’ijoro ryo ku wa Gatatu tariki ya 14 Nzeri 2016, ubwo uyu mugore yatwikiwe mu nzu y’umugabo we witwa Twaaha Rusotera arashya arakongoka ndetse ahita yitaba Imana.

Urupfu rw’uyu mugore Tina ntiruvugwaho rumwe n’abaturage batandukanye kuko hari abemeza ko yatwikiwe mu nzu n’umugabo we mu gihe abandi bavuga ko iyo nzu yafashwe n’inkongi ushinjwa adahari.

Umuvugizi wa Polisi mu Mujyi wa Kigali, Supt Hitayezu Emmanuel , yatangarije IGIHE ko uwo mugore yahiye ariko hagikorwa iperereza kugira ngo hamenyekane uwihishe inyuma y’uyu mugambi bitewe n’uko umubiri we wari wangiritse bikomeye.

Yagize ati “ Turacyakora iperereza kugira ngo tumenye niba uwahiriyemo ari umugore we cyangwa ari undi wari warayemo cyane cyane ko umurambo we wari wangiritse kuko n’amakuru aturuka mu baturage avuga ko uwo mugabo yacyuraga abagore batandukanye.”

Yakomeje avuga ko uyu Rusotera ngo yabwiye polisi ko inzu ye yahiye ari mu kabari hakaba n’abashimangira ko byabaye adahari mu gihe abandi bavuga ko ariwe wamutwikiye mu nzu yamukingiranye.

Umwe mu baturage bo muri aka gace yatangarije IGIHE ko uwahiriye mu nzu agakongoka yitwa Tina ndetse ko ari umugore w’uwo mugabo Twaaha Rusotera.

Yagize ati “ Uwapfuye ni umugore we yitwaga Tina uretse ko batabanaga kuko bari baratandukanye ariko n’ubwo batabanaga barabonanaga yewe banafitanye umwana uba kwa sekuru ubyara Se ku buryo nta wahakana ko atari umugore we wapfuye cyane cyane ko yari yaje kumureba.”

Yakomeje agira ati “ Erega n’uyu Twaaha ubwe ntahakana ko uwahiriye mu nzu ari umugore we ahubwo ahakana ko atariwe wamutwitse.”

Kugeza ubu uyu mugabo afungiye kuri sitasiyo ya Polisi ya Nyamirambo mu gihe iperereza rikomeje naho umurambo waTina ukaba warashyinguwe ku mugoroba w’ejo ku wa Gatatu tariki ya 14 Nzeri 2016.

Ibiro by'Akagari ka Rwezamenyo

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 26 September 2016
Copyright © 2009 -2014 - IGIHE Ltd - All Rights Reserved