Kwamamaza

Nyamirambo: Abaturage bigaragambije bafunga umuhanda kubera gutinda guhembwa

Yanditswe kuya 14-09-2016 saa 20:33' na Thamimu Hakizimana


Abaturage bakoze umuhanda w’igitaka uva i Nyamirambo ahagana mu Miduha werekeza i Mageragere ho mu Karere ka Nyarugenge mu Mujyi wa Kigali, bakoze imyigaragambyo ndetse bafunga umuhanda kubera gutinda kwishyurwa.

Aba baturage bigaragambije ku gicamunsi cyo kuri uyu wa Kabiri tariki 13 Nzeri 2016, nyuma y’uko bari bamaze ibyumweru bigera kuri bitatu batarahembwa amafaranga bakoreye.

Bivugwa ko abigaragambyaga barimo abayede n’abafundi basabaga kwishyurwa na rwiyemezamirimo ubarimo amafaranga y’u Rwanda asaga miliyoni enye n’ibihumbi magana atatu.

Umuyobozi w’Akarere ka Nyarugenge, Kayisime Nzaramba yatangarije IGIHE ko aba baturage bigaragambije bafunga umuhanda n’amabuye babuza imodoka gutambuka kubera amafaranga bari bafitiwe na rwiyemezamirimo.

Kayisime avuga ko ubuyobozi bw’akarere bwaganiriye n’abo baturage bubagaragariza ko igikorwa cyo gufunga umuhanda bakoze atari cyo ndetse kidakwiye.

Yagize ati “ Nibyo abaturage bafunze umuhanda ariko twaganiriye nabo tubumvisha ko ibyo bakoze atari byo banabisabira imbabazi. Twaberetse ko hari uburyo bwinshi bwo kunyuzamo uko ibibazo byakemurwa hatabayeho kwigaragambya.”

Yakomeje avuga ko baganiriye na rwiyemezamirimo bamusaba kujya ateganya amafaranga hakiri kare mu rwego rwo kwirinda ko hari umuturage wahura n’ikibazo cyo kutishyurirwa ku gihe.

Kayisime yasoje avuga ko aba baturage biteganyijwe ko bahembwa kuri uyu wa Gatatu tariki ya 14 Nzeri 2016.

Uyu muhanda w’ibitaka watangiye kubakwa mu ngengo y’imari y’umwaka ushize biteganyijwe ko uzuzura muri uyu mwaka wa 2016 utwaye amafaranga arenga miliyoni 200 z’amanyarwanda.

Abigaragambya bari bashyize amabuye mu muhanda hagati
Abantu bari benshi bari bashungereye abakora imyigaragambyo
Abaturage bakoze imyigaragambyo bafunga umuhanda babuza ibinyabiziga gutambuka

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 1 Ukwakira 2016
Copyright © 2009 -2014 - IGIHE Ltd - All Rights Reserved