00:00:00 IGIHE NETWORK KN KINYARWANDA EN ENGLISH FR FRANCAIS

Nyamasheke: Yatewe inda na nyirarume umuryango uramwigarika none ubuzima bwabaye ingume

Yanditswe na Sitio Ndoli
Kuya 18 Nyakanga 2021 saa 03:06
Yasuwe :
0 0

Umwali (izina ryahinduwe) ni umwana w’umukobwa ufite imyaka 17 wo mu Murenge wa Macuba mu Karere ka Nyamasheke uvuga ko yatewe na nyirarume ariko ntiyahabwa ubutabera ndetse n’ubuzima burushaho kumukomerera.

Uyu mukobwa yavuze ko yafashwe na nyirarume ku ngufu kuko ariwe wamureraga nyuma y’aho se agiye ku ba muri Uganda na nyina akitaba Imana afite imyaka itanu gusa.

Yakuriye mu mu buzima bwo guhinga no guhura umuceri mu gishanga bituma atiga ishuri na rimwe.

Ati “Papa yagiye Uganda maze mama aza gupfa mfite imyaka itanu gusa mba kwa nyogukuru. Sinigeze niga kubera ubuzima bugoye bari baranshyizemo. Nahoraga mu miceri no kwa nyogokuru bari abakene kandi atanyumva.”

Yavuze ko musaza wa nyina yahoraga amutoteza. Umunsi umwe ngo yaje afite icyuma amusaba ko baryamana cyangwa akamwirukana. Kubera kutagira amahitamo uyu mwana w’umukobwa ngo yarabyemeye.

Ati “Yazanye icyuma ngo anyice, arambwira ati ‘niba utemera kumpa ndakwica cyangwa usohoke ujye iwanyu, kubera nta iwacu nari mfite abinkoresha ku gahato antera inda mbimenya ifite amezi atatu. Narabicecetse ntabwo nyogokuru anyumva.”

Nyuma yo kumenya ko atwite kwa nyirakuru bahise bamwirukana. Umwali avuga ko yagerageje gukuramo inda ariko ntibyamukundira ngo kuko yari imaze kuba nkuru.

Ati “Njya kwa muganga bambwira ko ntwite bahita banyirukana, nshaka kuyikuramo ariko biranga kuko yari imaze gukura yanga kuvamo. Uwo mugabo yaratorotse numva ko atuye i Rwamagana kandi yararongoye.”

Umwali yabyaye tariki ya 30 Werurwe 2021 ariko kuva icyo gihe ngo we n’umwana we babayeho nabi.

Ati “icyo nasaba ubuyobozi n’uko bwampa inzu yo kurereramo uyu mwana. Nta hantu mfite ho kuba, maze icyumweru ndara hanze.”

Uyu mwana ni umwe mu bana basaga 70 batewe inda bari munsi y’imyaka 18 bo mu Karere ka Nyamasheke.

Umuyobozi w’Akarere ka Nyamasheke Mukamasabo Appolonie yavuze ko bagiye gukurikirana ikibazo cy’uyu mwana agasubizwa mu muryango kugira ngo abeho neza.

Ati “Icyo twakora kuri uwo mwana w’i Macuba ni ugukora ubukangurambaga mu muryango kuko umwana w’imyaka 17 aba akiri muto, ntabwo yakubakirwa inzu ngo ayibemo. Icyo tugomba kwihutira ni ukuganiriza umuryango kugira ngo ubashe kwita kuri uwo mwana ariko natwe nk’ubuyobozi tumufashe kurera w’amwana wamukomotseho kugira ngo atajya mu mirire mibi.”

Arasaba ko yafashwa kubona aho kuba kandi nyirarume wamuteye inda akabihanirwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .