Kwamamaza

Nyamasheke: Urubyiruko rwugarijwe n’ubushomeri rugiye guhabwa inkoko

Yanditswe kuya 11-10-2016 saa 20:30' na Sitio Ndoli


Mu rwego rwo kurwanya ubushomeri bwugarije Urubyiruko mu Karere ka Nyamasheke, ubuyobozi bw’aka karere buravuga ko bugiye gutanga inkoko zo korora kuri buri koperative yarwo.

Muri iki gihe usanga ikibazo cyugarije urubyiruko ari ukutagira akazi ndetse rukanavuga ko bitarworohera kubona igishoro kugira ngo ruhange imirimo.

Iki kibazo cyane cyugarije urubyiruko rwinshi rwo muri aka karere rurangije amashuri yisumbuye.

Bamwe mu baganiriye na IGIHE bavuga ko kubona igishoro bigoye kugira ngo babashe guhangana n’ubushomeri.

Mbazimana Joseph yagize ati “Imirimo ni mike cyane ku bantu barangije amashuri yisumbuye, igishoro kiragoye kukibona.”

Niyirora Dominique yunzemo ati “Ubuzima bwacu ni bubi, tubayeho nabi, nta mishinga itugeraho, ni yo mpamvu usanga urubyiruko rwinshi ruri gukina ikarita ku muhanda, hari n’igihe dukora amatsinda ariko kubera umusanzu bigatuma ahita asenyuka.”

Umunyamabanga Nshingwabikorwa w’aka karere, Pierre Celestin Habiyaremye, avuga ko gahunda yo gutanga inkoko ku makoperaative y’urubyiruko izafasha mu kwikura mu bukene no kurwanya imirire mibi mu karere.

Ati “ Dufite urubyiruko rwinshi rudafite akazi, dutekereza uburyo twabahangira umurimo tukabaha nibura igishoro cy’ifatizo kugira ngo babashe gukora imishinga yo korora inkoko, bo ubwabo bikabagarira akamaro bikaba byanagirira akamaro aho batuye, mu bijyanye no kurwanya imirire mibi ndetse bikabyara n’amafaranga rwa rubyiruko rukiteza imbere.”

Izi nkoko zizahabwa buri koperative y’urubyiruko rwo mu mirenge icyenda muri 15 igize akarere mu Ugushyingo.

Koperative imwe izaba iri muri buri murenge izahabwa inkoko 1000 ariko igasabwa umugabane w’amafaranga ibihumbi 10. Nyuma y’umwaka na bo bazoroza urundi rubyiruko nk’uko bimeze muri gahunda ya Girinka Munyarwanda.

Izi nkoko zitanzwe neza ndetse n’uru rubyiruko rukazorora neza, rwashobora kwigarurira isoko ry’umujyi wa Bukavu, dore ko inkoko n’amagi bijyayo, biva mu muri Uganda no mu zindi ntara.

Urubyiruko ngo ruzahabwa inkoko n'ingurube mu rwego rwo kuruteza imbere

[email protected]


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 15 Ugushyingo 2016
Copyright © 2009 -2014 - IGIHE Ltd - All Rights Reserved