Kwamamaza

Nyamasheke: Guverineri Munyantwali yakirijwe uruhuri rw’ibibazo

Yanditswe kuya 14-10-2016 saa 10:56' na Sitio Ndoli


Mu rugendo rwe rwa mbere asura abaturage, Guverineri mushya w’Intara y’u Burengerazuba, Alphonse Munyantwari, yasanganijwe ibibazo byinshi n’abo agiye kuyobora.

Ubwo yari mu Kagari ka Kibingo, mu Murenge wa Gihombo, kuri uyu wa Gatatu tariki ya 12 Ukwakira 2016, Guverineri Munyantwari yakirijwe ibibazo birimo iby’imitungo, ibijyanye n’ibyiciro by’ubudehe, amakimbirane mu ngo, ubukene n’ibindi byinshi.

Habimana Modeste, umwe batanze ikibazo yagize ati “Ikibazo dufite, ni abaturage bangirijwe n’ikorwa ry’umuhanda Tyazo- Karongi, nk’ubu inzu zacu ziri ku manegeka, abandi umuhanda waciye mu ikawa zabo, bamwe barishyuwe abandi turi mu gihirahiro.”

Murorunkwere Anathalie ati “Umugabo yarantaye ansigira abana batandatu, ajyana umwe yari yarabyaye ahandi, maze kwishyura mituweli y’abana banjye, ngiye kwivuza baranga ngo keretse nishyuriye n’umugabo n’uwo mwana kandi barantaye, ntazi iyo bari.”

Nyuma y’ibi bibazo n’ibindi byinshi abaturage bagaragaje, Guverineri Munyentwali yabihaye umurongo ndetse bimwe bikemurirwa aho.

Nyuma yo kuganira n’abaturage, Guverineri Munyantwali yabwiye IGIHE ko na we yabonye ibibazo muri iyi ntara ari byinshi bitewe n’umwanya wose yamaze abyakira ariko ko igikwiye ari uko bakora mu buryo birangizwa kandi abaturage bakanyurwa.

Ati “Mu byukuri nanjye nkurikije akagari kamwe twari turimo, nabonye ibibazo ari byinshi kuko wabonye ko umwanya twageze hano wose twakiriye ibibazo, niyo mpamvu navuga ko igikwiye ari uko twakora mu buryo tubirangiza. Rimwe na rimwe hari igihe usanga n’umuyobozi yaracyakiriye ariko noneho icyo twakiriye kibone umwanzuro kive mu nzira, no kugerageza gusobanurira abaturage bakanyurwa."

Guverineri Munyentwali agiye kuyobora Intara y’u Burengerazuba asimbuye Caritas Mukandasira wari uyimazemo imyaka ibiri n’igice.

Yasabye abaturage ubufatanye mu mikoranire kuko ari wo musingi w’iterambere rirambye.

Abaturage bakirije umuyobozi wabo mushya ibibazo byari bibaremereye
Guverineri Munyantwari yijeje ko ibibazo bikwiye gukemurwa kandi abaturage bakanyurwa

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved