Nyamasheke: Gitifu n’ushinzwe iterambere mu kagari batawe muri yombi

Yanditswe na Sitio Ndoli
Kuya 1 Ukuboza 2017 saa 12:17
Yasuwe :
0 0

Umunyamabanga Nshingwabikorwa w’Akagari ka Susa n’ushinzwe iterambere batawe muri yombi na polisi ikorera mu karere ka Nyamasheke, bacyekwaho kunyereza ifumbire yagenewe guhabwa abaturage.

Sinumvayabo Thacien usanzwe ari Umunyamabanga Nshingwabikorwa w’akagari ka Susa na Mukeshimana Daniel wari ushinzwe iterambere ry’akagari bafashwe tariki ya 29 Ugushyingo.

Umunyamabanga Nshingwabikorwa w’Umurenge wa Kanjongo, Twagirayezu Zacharie, yatangaje ko bakurikiranyweho kwiba ifumbire yagenewe abaturage.

Ati “Baracyekwaho gutanga ifumbire nabi no kuyigurisha, ni ukuvuga umuntu akaba yaragenewe nk’ibiro bitanu bakamuha bibiri, ugenewe nk’ibiro icumi bakamuha bitanu gutyo indi nyine ubwo urumva barayigurisha cyangwa simbizi kuko kugeza ubu ngubu twarababajije. Hari ingero twabonye zigeze muri eshanu kandi twarabigenzuye.”

Kuri ubu bafungiye kuri Sitasiyo ya Polisi ya Kanjongo mu gihe iperereza ku byaha bacyekwaho rikomeje.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza