Kwamamaza

Nyamasheke: Bahangayikishijwe n’iyimurwa ry’ibiro by’umurenge, ubuyobozi bwirebaho

Yanditswe kuya 19-09-2016 saa 11:25' na Sitio Ndoli


Abaturage batandukanye bo mu murenge wa Kanjongo, mu Karere ka Nyamasheke baravuga ko bahangayikishijwe n’igikorwa cyo kwimura ibiro by’umurenge wabo ukajyanwa mu kagali ka Kibogora.

Ubusanzwe ibiro by’uyu murenge biba mu kagali ka Kigarama ariko ngo abaturage bamenye ko ubuyobozi bw’akarere bwafashe icyemezo cyo kuwimura ukajyanwa i Kibogora.

Aba baturage bavuga ko ibiro by’uyu murenge aho biri ari hagati mu tugari dutanu tugize uwo murenge ariko ngo nibawimura, bazajya bakora urugendo rw’amasaha ane n’amaguru bagiye gushaka serivisi basanzwe baka ku biro by’umurenge.

Muyoboke Jeramu yagize ati “Bari kuwimura aho uri bawujyana ku Kivu, hari abantu bakora urugendo rw’amasaha atatu kugira ngo bawugereho, noneho haziyongeraho isaha imwe n’igice. Hari hagati kuko hari utugari dutanu, dutatu turi haruguru utundi tubiri turi hepfo, rwose hari hagati.”

Bamwe mu baturage bavuga ko iyimurwa by’uyu murenge ngo rishobora kuba rishingiye ku kuba abakozi bawo benshi batuye i Kibogora (aho ugiye kwimukira), bagakeka ko ari mu rwego rwo kugira ngo begere aho batuye.

Umuturage utashatse ko amazina ye atangazwa yagize ati “Baratangiye kwimura bimwe mu bikorwa byawo, nk’inama zimwe na zimwe ntizikibera hano, biri gukorwa kubera abakozi b’umurenge batuye Kibogora, ni kure y’abaturage benshi cyane.”

Umuyobozi w’Akarere ka Nyamasheke, Kamali Aimé Fabien mu kiganiro na IGIHE yemeje ko ibiro by’umurenge wa Kanjongo bigiye kwimuka mu rwego rwo gutuma ukorera ahantu hatunganye.

Ati “ Ibiro by’umurenge wa Kanjongo ntabwo birimuka ariko turimo turatunganya aho wakwimukira ukahakorera, hatunganye, hakwiye gutuma umurenge n’akarere bakora neza.”

Akomeza agira ati “Ntabwo umurenge wimukiye kure yabo kubera ko aho wari uri ni mu murenge, n’aho ugiye ni mu murenge, buriya n’abandi bavuga ko ari kure, ariko umuturage ntabwo tumusaba kwirirwa aza ku buyobozi ahubwo abayobozi ni bo begera abaturage. Nta kibazo rero, nta n’imbogamizi ihari yatuma umurenge utajya ahakwiriye gukorerwa hujuje ibyangombwa kugira ngo begere umuturage bamuhe serivisi ikwiriye.”

Nubwo ubuyobozi bw’akarere butavuga igihe ibiro by’umurenge bizimurirwa, bwemeza ko bizimurirwa mu kagali ka Kibogora, ahakoreraga komine ya Kirambo, kuri ubu hakaba hakorera polisi ya Kanjongo.

Umurenge wa Kanjongo ni umwe mu mirenge 15 igize akarere ka Nyamasheke, mu Ntara y’Uburengerazuba.

Abaturage bavuga ibiro by'umurenge byari bibegereye none ngo bazajya bakora urugendo rurerure

[email protected]


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 27 September 2016
Copyright © 2009 -2014 - IGIHE Ltd - All Rights Reserved