Kwamamaza

Nyamasheke:Akarere kahagurukiye abana bata ishuri bakurikiye ubugari bahabwa n’abarobyi

Yanditswe kuya 22-10-2016 saa 19:38' na Sitio Ndoli


Ubuyobozi bw’Akarere ka Nyamasheke butangaza ko bwafashe ingamba zo gukemura ikibazo cy’abana bata ishuri bakajya mu mirimo yo gufasha abarobyi ku Kiyaga cya Kivu no gukora mu mirima y’icyayi.

Muri Nzeri uyu mwaka, nibwo IGIHE yasuye inkengero z’ikiyaga cya Kivu mu murenge wa Kagano, ahazwi nko ku Murwa, hagaragaraga abana bata ishuri bakirirwa bafasha abarobyi maze bagahembwa ubugari.

Umuyobozi w’akarere ka Nyamasheke wungirije ushinzwe imibereho myiza y’abaturage, Mukamana Claudette yatangaje ko bafashe ingamba zikomeye zigamije gutuma abana bataga ishuri barisubiramo.

Ati “Hafashwe ingamba zikomeye cyane, yaba inzego z’ibanze n’iz’umutekano ni uguhoza ijisho hariya ku mazi, maze umwana ufashwe hagahamagazwa umubyeyi we agahanwa mu gihe bibaye ngombwa, ndetse n’ikipe y’abarobyi ifatiwemo abana igacibwa amande y’ibihumbi 200 ndetse ikanahagarikwa.”

Akomeza avuga ko bafatanyije n’ubuyobozi bw’amakoperative y’abarobyi babishyizemo ingufu ku buryo izi ngamba zizatangira gushyirwa mu bikorwa tariki ya 15 Ugushyingo uyu mwaka ubwo ikiyaga cya Kivu kizaba gifunguye.

Mu karere ka Nyamasheke abana 5181 mu bihembwe bibiri by’uyu mwaka wa 2016 bataye ishuri; benshi muri bo ubasanga ku kiyaga cya Kivu no mu mirima y’icyayi.

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved