Kwamamaza

Nyamasheke:Abaturage bimwe inzitiramibu, barakeka ko zigurishwa muri Congo

Yanditswe kuya 15-11-2016 saa 11:30' na Sitio Ndoli


Bamwe mu baturage bo mu kagali ka Ntango, umurenge wa Nyabitekeri, bari ku rutonde rw’abahabwa inzitiramubu bavuga ko bazimwa maze abajyanama b’ubuzima bakajya kuzigurisha muri Repubulika Iharanira Demokarasi ya Congo.

Kuri uyu wa Mbere tariki ya 14 Ugushyingo 2016, nibwo mu karere ka Nyamasheke batangiye gutanga inzitiramibu. IGIHE yageze mu kagari ka Ntango, aho iki gikorwa cyakorerwaga kuri ‘poste de Sante’ ya Ntango.

Bamwe mu baturage batahawe inzitiramibu kandi ngo bariyandikishije kuri lisiti bari bafite impungenge ko ziri bwambutswe ikiyaga cya Kivu zikajya kugurishirizwa muri Congo kuko n’ubusanzwe ariko bigenda.

Bayavuge Elevania yagize ati “Ubu izi nzitiramubu zidatanzwe zishobora kuza kwambutswa hakurya. Ni imari ishyushye igurwa n’Abanyecongo. Nkanjye nabuze ebyiri kandi umujyanama w’ubuzima yarambaruye.”

Aba baturage bavuga ko n’ubusanzwe bajya bimwa inzitiramubu babwirwa ko zashize nyuma bakaza kubona zipakiwe zijyanwa mu gihugu cy’abaturanyi cya Congo, mu masaha y’ijoro.

Nsengiyumva Jean Claude ati “Ubushize barazimanye bucyeye tubona bazipakiye amato bazijyanye muri Congo, ni ku Idjwi bazijyana ntahandi.”

Vedaste Harindintwari umwe mu bajyanama w’ubuzima yavuze ko abaturage batari ku rutonde rw’abahabwa inzitiramibu ari abimukiye muri aka kagari bavuye ahandi.

Joseph Muhawenimana, Umuforomo ku kigo nderabuzima cya Mayange, kireberera Post de Sante ya Ntango, avuga ko ikibazo cyabayeho ariko hari umujyanama w’ubuzima wagiye yandika abaturage abasimbuka kandi ko bari gukurikirana niba koko hari abagurisha inzitiramibu muri Congo.

Mukamana Claudette, Umuyobozi wungirije ushinzwe imibereho myiza y’abaturage mu karere ka Nyamasheke yavuze ko igikorwa cyo gutanga inzitiramibu cyagenze neza ariko ko muri Nyabitekeri bagiye gukurikirana niba koko abaturage bazimwa zikagurishwa muri Congo, ndetse ko uwafatirwa muri iki gikorwa yabihanirwa.

Abaturage batabonye inzitiramibu kandi baranditswe mu bazikeneye batewe impungenge n’uko bakomeza kurwara malariya kuko iri kwiyongera.

Abisanze kuri lisiti bahawe inzitiramibu hakaba n'abibuze kandi baribaruje
Kuri Poste de Sante ya Ntango inzitiramibu zari zigihari ariko abaturage bamwe bavuga ko bazimwe

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved