Kwamamaza

Nyamasheke: Abarobyi barinubira umushahara w’intica ntikize

Yanditswe kuya 22-09-2016 saa 12:44' na Sitio Ndoli


Abararobyi batandakunye baroba isambaza n’amafi mu kiyaga cya Kivu baravuga ko bahabwa umushahara w’intica ntikize bigatuma mu gihe cy’amezi abiri cyo gufunga Ikivu bazongwa n’ubukene.

Aba barobyi bavuga ko amafaranga ari hagati y’ibihumbi umunani n’icumi ari yo bahabwa ku kwezi, bagasanga adahwanye n’imvune bahura na zo mu ijoro barara baroba, dore ko bahera saa kumi n’ebyiri za nimugoroba bakavamo mu gitondo.

Ndahimana Afrodis ati “Umushara duhembwa ni mucye cyane nk’abantu dufite ingo ntacyo utumarira, ni amafaranga 8000 ku kwezi. Ubu bafunze Ikivu hari abarobyi rwose Babura uko bigira ku buryo hari n’abiba.”

Bamwe muri aba barobyi bifuza ko umushahara wabo wazamurwa kugira ngo imiberereho yabo ishoboke.Ufitumukiza Jean Pierre ati “Batwongeje bakadushyira ku bihumbi nka15 yaba ahagije.”

Gusa umushahara aba barobyi bavuga utundakukanye n’uwo Eliezel Ndahayo, umuyobozi w’ihuriro ry’amakoperative y’abarobyi mu Karere ka Nyamasheke atangaza.
Ati “Amafaranga bahembwa si intica ntikize kuko bakora iminsi 21 mu kwezi, muri yo minsi umukozi ahembwa ibihumbi biri hagati 10 na 15.”

Ntaganira Josué Micheal, Umuyobozi w’Akarere wungirije ushinzwe iterambere ry’ubukungu avuga ko bagiye gufatanya n’amakoperative y’abarobyi bakaganira kuri iki kibazo.

Ati “ Iyo mirimo ikorwa ku bwumvikane hagati y’abaroba n’amakoperative ariko nk’uko byumvikana niba umuntu araramo agahembwa ibihumbi umunani, ni amafaranga make cyane ari hagati ya 300 na 250 ku munsi. Ndafatanya n’ishami rishinzwe amakoperative kureba uko biri gukorwa noneho tubihe umurongo, duhuze impande zose ziroba mu kiyaga cya Kivu.”

Abarobyi 1200 mu karere ka Nyamasheke bibumbiye mu makipe arenga ijana, buri ikipe iba ifite nyirayo, ari na we aba barobyi bavuga ko abahemba intica ntikize.

Amato barobesha aba aparitse mu gihe ikiyaga gifunze

[email protected]


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 30 Nzeri 2016
Copyright © 2009 -2014 - IGIHE Ltd - All Rights Reserved