Nyamagabe: Umugabo yishe abaturanyi be bane akoresheje ifuni

Yanditswe na Prudence Kwizera
Kuya 25 Ukuboza 2017 saa 02:47
Yasuwe :
0 0

Umugabo w’imyaka 40 wo mu Karere ka Nyamagabe akurikiranweho kwica abantu bane akoresheje ifuni mu gitondo cyo kuri uyu wa Mbere, taliki ya 25 Ukuboza 2017.

Abaturanyi b’uyu mugabo wo mu Kagari ka Bwama, Umurenge wa Kamegeri, bavuze ko mu gitondo cyo kuri Noheli, yafashwe n’uburwayi bwo mu mutwe ashaka kwica abana be n’umugore baramuhunga, akomereza mu baturanyi yica bane akoreshe ifuni.

Abishwe ni Nzeyimana Revelien w’imyaka 35; Mukankiko Juliette w’imyaka 55; Nsekanabo Jean w’imyaka 33 na Kezimfura Venuste w’imyaka 65 y’amavuko.

Umunyamabanga Nshingwabikorwa w’Umurenge wa Kamegeri, Mwibonere Dative, yatangarije IGIHE uwo ukekwaho ubwicanyi kuri iyi Noheli yatawe muri yombi na Polisi naho abishwe bajyanywe ku bitaro bya Kigeme.

Yagize ati “Byabaye mu gitondo nka saa mbiri, yafashe isuka akajya agenda urugo ku rundi yica abantu, yagendaga abakubita isuka mu mutwe. Ubu uwo mugabo yamaze gufatwa ari kuri Sitasiyo ya Polisi ya Gasaka, naho abitabye Imana bajyanywe ku bitaro ya Kigeme.”

Ubuyobozi bw’umurenge wa Kamegeri buvuga ko uwo mugabo yari asanzwe arwara mu mutwe ariko atigeze avuzwa ahubwo abanyamasengesho bajyaga bamusengera akoroherwa.

Ubuyobozi bwaganiriye n’abaturage burabahumuriza, bubibutsa no kujya batanga amakuru mu gihe babonye hari igishobora guhungabanya umutekano kugira ngo gikumirwe hakiri kare.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza