Kwamamaza

Nyamagabe:Akurikiranyweho kwica nyina, mushiki we na mwishywa we

Yanditswe kuya 5-08-2016 saa 19:20' na IGIHE


Umugabo witwa Habinshuti François wo mu Murenge wa Mushubi, akagari ka Buteteri mu Mudugudu wa Nyakibande mu Karere ka Nyamagabe, akurikiranyweho kwica abantu batatu barimo nyina, mushiki we na mwishywa we.

Mukambuye Costasie w’imyaka 72 y’amavuko, Nyiranzirorera Philomène w’imyaka 28 na Habimana w’imyaka ine bishwe mu ijoro rishyira kuri uyu Gatanu tariki ya 5 Kanama 2016.

Rugazura philippe, Umunyamabanga Nshingwabikorwa w’Umurenge wa Mushubi yatangaje ko Mukambuye na Nyiranzirorera bicishijwe udufuni naho Habimana akaba yatwitswe.

Yavuze ko byabaye mu ijro rishyira kuri uyu wa Gatanu ariko isaha ikaba itazwi kuko byamenyekanye mu gitondo.

Aba bombi uko ari batatu hamwe na Habinshuti wabishe ngo babanaga mu nzu bikaba bikekwa ko icyakora ngo yaba yari asanzwe afite ikibazo cy’uburwayi bwo mu mutwe.

Rugazura yagize ati " Abaturage ndetse n’ubuyobozi bw’Akagari bwari bubizi ko afite uburwayi bwo mu mutwe.Yari abumaranye nk’imyaka itanu; yigeze gutorongera ajya ku Mayaga ariko nyuma aza kugaruka, yabanaga na nyina na mushiki we kuko nta mugabo yagiraga."

Kugeza ubu imirambo ya ba nyakwigendera yajyanywe gukorerwa isuzuma ku bitaro bya Kaduha naho Habinshuti yamaze gutabwa muri yombi n’inzego za polisi.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 27 September 2016
Copyright © 2009 -2014 - IGIHE Ltd - All Rights Reserved