Nyamagabe: Abiga uburezi basabwe kwitoza hakiri kare kutazapfunyikira amazi abo bazarera

Yanditswe na Kanamugire Emmanuel
Kuya 4 Nzeri 2016 saa 07:20
Yasuwe : XX
0

Abanyeshuri biga mu ishuri ryisumbuye Nderabarezi rya Mbuga, TTC Mater Dei Mbuga, riherereye mu murenge wa Tare mu karere ka Nyamagabe barasabwa kwiga bashyizeho umwete kuko mu minsi ya vuba bazajya kwigisha abana b’u Rwanda.

Ubwo muri iri shuri haberaga ibirori byo gutangiza Yubile y’imyaka 25 rimaze rifunguye imiryango abahiga bibukijwe ko ariryo shuri ryonyine ryigisha abazavamo abarimu muri aka karere, bazigisha mu mashuri abanza, bityo basabwa guharanira gusigasira isura nziza ishuri risanganwe.

Umuyobozi waryo Philippe Murwanashyaka mu ijambo rye yagarutse ku ngingo y’uko imitsindishirize ihagaze muri iki gihe, ndetse n’ireme ry’uburezi abahiga bahabwa.

Murwanashyaka ati “Mu mitsindire murabona ko ahenshi twagiye tugira 100%, aho twagize amakuba ni aho twagize 92,8%. Buriya iyo mubona ireme ry’uburezi rigenda rizamuka mu Rwanda, ntimugire ngo TTC Mbuga ntiba yabigizemo uruhare rukomeye, kandi murabizi ko dusigaye tuza mu turere twa mbere mu bijyanye n’uburezi, cyane cyane ko twebwe turi igicumbi cy’uburezi kuko twigisha abazajya kwigisha abandi”.

Umushumba wa Kiriziya Gatolika muri Diyoseze ya Gikongoro, Mgr celestin Hakizimana, yibukije aba banyeshuri ko bakwiye gustsinda 100% kugira ngo batazajya kuroga abo bazarera.

Mu bindi byagarutsweho muri ibi birori ni ikibazo cy’amacumbi, ibitabo n’amashuri bikiri bike, Musenyeri Hakizimana akaba yabemereye ko bazakora ibishoboka byose bikabonerwa ibisubizo.

Ibi birori kandi byari byitabiriwe n’ Umuyobozi wungirije ushinzwe imibereho myiza y’abaturage mu Karere ka Nyamagabe, Prisca Mujawayezu, nawe wabijeje ubufatanye mu guteza imbere uburezi no gukemura ibibazo ishuri rifite.

TTC Mater Dei Mbuga yafunguye imiryango kuwa 20 Nzeri 1922, ifite amashami abiri, iry’ubucuruzi n’iry’icungamari.

Mu 1994 ryaje kuba rifunze imiryango kubera Jenoside yakorewe abatutsi, ryongera gufungura mu 1996, naho mu 1999 nibwo ryiswe urugo nderabarezi rwa Mbuga rwitiriwe nyina wa Jambo.

Abanyeshuri ba TTC Mater Dei Mbuga
Mgr Celestin Hakizimana, Umushumba wa Diyoseze Gatolika ya Gikongoro
Philippe Murwanashyaka, Umuyobozi wa TTC Mater Dei Mbuga
Prisca Mujawayezu, Umuyobozi wungirije ushinzwe imibereho y'abaturage mu Karere ka Nyamagabe

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza