Nyagatare: Gitifu w’Umurenge wa Musheri yeguye

Yanditswe na Kanamugire Emmanuel
Kuya 13 Nzeri 2016 saa 05:00
Yasuwe : XX
142 71

Kamugisha Charles, wari Umunyamabanga Nshingwabikorwa w’Umurenge wa Musheri mu Karere ka Nyagatare yeguye ku mirimo ye ku Cyumweru tariki ya 11 Nzeri.

Amakuru yo kwegura kwe yemejwe n’Umuyobozi w’akarere, Mupenzi George mu Kiganiro yagiranye na IGIHE, avuga ko yabikoze nyuma y’’imikorere n’imyitwarire idahwitse.

Yagize ati“Ni byo rwose yabitewe n’ibintu by’imikorere itari myiza ndetse n’imyitwarire idahwitse. Ku wa Gatanu w’icyumweru gishize ubwo yari mu Murenge wa Karangazi yahutaje mugenzi we ushinzwe umutekano(DASSO).Sinzi uburyo nabisobanuramo ariko n’uburyo bumutesha agaciro bukagatesha n’uwo yahutaje.

Uyu muyobozi yakomeje agaragaza ko ibyakozwe bidakwiye kuko umuyobozi wese akwiye kwitwara neza byananirana akavamo.

Yagize ati “ Ubutumwa dutanga ni uko umuyobozi wese agomba kuba intangarugero.”

Icyakora Kamugisha we yatangaje ko yeguye ku mirimo ye ku mpamvu ze nyuma y’uko hari amakuru yavugaga ko yegujwe n’Umuyobozi w’Akarere ka Nyagatare.

Yahakanye ibyo kwitwara nabi n’imikorere idahwitse, ndetse ko nta muntu n’umwe yagiranye na we ikibazo ku buryo byaba intandaro y’iyegura rye ahubwo ko yabikoze ku mpamvu ze bwite.

Kamugisha yasobanuye ko ibaruwa isezera ku kazi yayishyikirije ubuyobozi bw’Akarere ka Nyagatare ku Cyumweru tariki 11 Nzeri,2016 akaba ategereje igisubizo ku bwegure bwe.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE