00:00:00 IGIHE NETWORK KN KINYARWANDA EN ENGLISH FR FRANCAIS

Nyabihu: Guverineri Habitegeko yakebuye ababyeyi bafite abana babyaye imburagihe

Yanditswe na Mukwaya Olivier
Kuya 10 Nzeri 2021 saa 04:43
Yasuwe :
0 0

Guverineri w’intara y’Iburengerazuba, Habitegeko Francois, yakebuye ababyeyi bo mu karere ka Nyabihu bafite abana babyaye batarageza imyaka 20, avuga ko ku bufatanye n’ubuyobozi n’abo babyeyi, bakwiye kugira uruhare mu kurwanya ibikorwa by’abangavu batwara inda.

Uyu muyobozi yavuze ko kimwe mu bibazo bituma abangavu baterwa inda, ari uko baba badafite ubumenyi buhagije ku bijyanye n’ubuzima bw’imyororokere, kandi ubwo bumenyi bukaba bugomba kugirwamo uruhare n’ababyeyi, ubuyobozi n’abarimu.

Umwe mu babyeyi bafite umwana watewe inda afite imyaka 17, yavuze ko hari ubwo ababyeyi bagira uruhare mu iterwa ry’inda ry’abana.

Yagize ati “Rimwe na rimwe ababyeyi usanga twatumye abana bagwa muri uwo mutego. Iyo inkoko igejeje ku mugoroba itarataha, ntabwo waryama, ariko ubu usanga abana ari iziragira zikicyura, ntubaza ngo umwana ari he? Agendana nande? Usanga hari ukuntu ababyeyi badohotse, bigatuma abana birara, ku buryo bajya mu ngeso zirimo kwishobora mu mibonano mpuzabitsina.”

Uyu mubyeyi yavuze ko ibi bituma abana batacyumva, “Ukamubwira ntakumve kuko nyine aba yarize za ngeso mbi, bikarangira umwana n’umubyeyi batumvikana ariko byose biba byarangiritse kare.”

Guverineri Habitegeko yunzemo, avuga ko inzego zose zikwiye kugira uruhare mu gucyemura iki kibazo.

Ati “[Kugira ngo iki kibazo gikaze umurego] hari uruhare rw’ababyeyi, urw’abayobozi, urw’amadini n’amatorero ndetse n’izindi nzego, gucyemura iki kibazo twese biratureba.”

Guverineri Habitegeka kandi yavuze ko abana b’abakobwa bakwiye guhabwa uburenganzira ku burezi, asaba ababyeyi kugira uruhare mu guteza imbere uburezi kuko ari kimwe mu bishobora gukumira inda zidateguwe.

Guverineri Habitegeko yasabye ababyeyi kugira uruhare mu burere bw'abana babo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .