Kwamamaza

Ntiwategereza ko ukurenganya abireka-Minisitiri Nyirasafari

Yanditswe kuya 25-11-2016 saa 21:35' na Evariste Nsengimana


Minisitiri w’Uburinganire n’Iteranbere ry’Umuryango, Nyirasafara Esperance avuga ko umuntu ukorerwa akarengane ariwe ugomba gufata iyambere mu kukagaragaza kugira ngo arenganurwe, by’umwihariko abakorerwa ihohoterwa rishingiye ku gitsina.

Ibi yabivuze ku wa 25 Ugushyingo 2016 mu Murenge wa Tumba, Akarere ka Rulindo hatangizwa iminsi 16 yo kurwanya ihohoterwa rishingiye ku gitsina cyane cyane irikorerwa abagore.

Minisitiri Nyirasafari yavuze ko kurwanya ihohoterwa ntaho bitaniye n’urugamba rwo kubohora u Rwanda aho buri wese yumvaga ko arengana yifatanije n’abandi.

Yagize ati “Iyo ujya kurwanya akarengane nawe ubwawe ugomba kukanga. Muribuka nk’urugamba rwo kubohora igihugu abari bararenganijwe bafatanije n’abandi bose bumvaga bari mu karengane barahejejwe ishyanga, barakanga; ntabwo rero utegereza ko ukurenganya ariwe ufata iyambere ngo abireke, niyo mpamvu nsaba abagore kwanga akarengane.”

Guverineri w’Intara y’Amajyaruguru , Musabyimana Jean Claude yavuze ko by’umwihariko muri iyi ntara inzego zose zizafatanya mu kurwanya ihohoterwa cyane cyane irishingiye ku gitsina.

Havugimana Farasiya, umwe mu baturage bo muri uyu murenge yavuze ko bishimira intambwe bateye mu kumva uburenganzira bw’abagize umuryango nkuko yabitanzeho ubuhamya avuga ko yajyaga ahohotera umugore we ariko ubu bakaba babanye neza.

Ubu bukangurambaga bwo kurwanya ihohoterwa rishingiye ku gitsina buzarangwa n’ibikorwa bitandukanye birimo inama y’iminsi ibiri izahuza abagore bari mu nzego z’umutekano bo mu bihugu by’Afurika ku ruhare rwabo na gahunda ya “He for She” imwe mu zigamije kwimakaza ihame ry’uburinganire.

Guverineri w'Intara y'Amajyaruguru, Musabyimana Jean Claude
Minisitiri w'Uburinganire n'Iterambere ry'Umuryango, Nyirasafari Esperance

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved