Kwamamaza

Nta kibi nko kumara imyaka muri kaminuza ukahavana ubusa- Prof Manasseh

Yanditswe kuya 15-09-2016 saa 19:25' na Tombola Felicie


Prof. Nshuti Manasseh, Umuyobozi w’Inama y’Abashinze Kaminuza ya Kigali(University of Kigali) yihanangirije abanyeshuri bashya basaga 900 bagiye kwiga muri iyi Kaminuza ko bagomba gukora cyane bagahindura ubuzima bwabo n’ubw’igihugu kuko iby’ubusa ntabyo bazabona muri iyo kaminuza.

Ni kenshi muri kaminuza zigenga hakunze kuvugwamo imyitwarire idahwitse no kubona amanota mu buryo bufifitse ku banyeshuri bazigamo.

Mu muhango wo guha ikaze abanyeshuri bashya muri Kaminuza ya Kigali ndetse no kwinjiza intore mu zindi, abayobozi batandukanye baberetse ko iyi kaminuza nubwo yigenga itihanganira abanebwe cyangwa abashaka kubona amanota batakoreye.

Prof . Nshuti Manasseh mu ijambo rye yagize ati "Tujya gutangira iyi kaminuza ni uko twari dufite ishyaka ry’abanyarwanda,umuntu uza gukinisha abana b’abanyarwanda ndamwirukana kuko we nta ngaruka bimugiraho ariko abo yahaye ubumenyi budafite ireme birabakurikirana ubuzima bwabo bwose."

Yakomeje agira ati” Nta kintu kibi kibaho nko kuza muri kaminuza ukahamara imyaka runaka warangiza ukazavanamo ubusa. Mwebwe rero muyijyemo mukore cyane kuko hano si ahantu muje kuruhukira, ahubwo nimusoza bizagaragare ko mwize neza kuko ikintu umuntu atahinyuza ni uburyo wize neza kuko ibikorwa byawe byivugira.”

Avuga ku myitwarire ndetse n’indangagaciro zigomba kuranga abanyeshuri ba Kaminuza ya Kigali, Umuyobozi w’Inama y’Ubutegetsi,Philbert Afrika yasabye abanyeshuri gutanga amakuru ku bitagenda aho kuzavuga ko bapfunyikiwe amazi nyuma y’igihe.

Afrika agira ati "Twasabye abanyeshuri kujya batubwira hakiri kare ibitagenda mu myigire yabo bigakosorwa aho kugira ngo bazavuge ngo twarabapfunyikiye amazi nyuma y’igihe”.

Ku bijyanye no kwinjiza intore mu zindi, Munyaneza Denis, Umuyobozi w’Ihuriro ry’Abanyeshuri muri Kaminuza ya Kigali, yabwiye IGIHE ko ari igikorwa cyo gutuma buri wese uje muri kaminuza yumva ko ari intore, ibyo bikamuha kuba intangarugero.

Ati "Kuko turi intore z’Intagamburuzwa n’abanyeshuri bashya twabinjijemo kugira ngo birinde amananiza yose, bubahirize igihe, bitange, byose bumve ko babikora mu ndangagaciro na kirazira z’intore.”

Bwiza Ruzindaza Joselyne, umunyeshuri mu mwaka wa mbere, we ngo yahisemo iyi kaminuza kuko abona umuco n’indangagaciro byitabwaho.

Ati” Nahisemo kwiga hano kuko mbona batanga uburezi bufite ireme kandi bakongeraho kwita ku bijyanye n’umuco n’indangagaciro by’abanyarwanda.”

Kaminuza ya Kigali ifite abanyeshuri hafi ibumbi bine mu mashami atandukanye. Icyiciro cya kabiri cy’abanyeshuri barangije muri iyi kaminuza, bazahabwa impamyabumenyi zabo mu Kuboza uyu mwaka.

Prof. Nshuti Manasseh yibukije abanyeshuri bashya ba Kaminuza ya Kigali ko bataje kuruhuka
Philibert Afrika , umwe mu bashinze kaminuza ya Kigali
Abanyeshuri banyuranye b'iyi kaminuza bateze amatwi impanuro bahabwaga
Abanyeshuri bashya bahawe ikaze mu ntore za Kaminuza ya Kigali
Marie Jeanne Afrika, umwe mu bayobozi batanze impanuro

[email protected]


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 26 September 2016
Copyright © 2009 -2014 - IGIHE Ltd - All Rights Reserved