00:00:00 IGIHE NETWORK KN KINYARWANDA EN ENGLISH FR FRANCAIS

Ngoma: Urupfu rw’amayobera ku mwarimu wari wiriwe akosora ibizamini

Yanditswe na Hakizimana Jean Paul
Kuya 6 Nyakanga 2021 saa 10:12
Yasuwe :
0 0

Umwarimu witwa Nsengiyumva Mathias wari ufite imyaka 65 y’amavuko wigishaga ku rwunge rw’amashuri rwa Jarama, yasanzwe iwe mu nzu yapfuye, bamwe bakeka ko byatewe n’umunaniro abandi bakeka amarozi.

Ni urupfu rwamenyekanye ejo mu gitondo tariki ya 5 Nyakanga 2021 nyuma y’uko hari umwarimu wagiye kumureba agasanga yashizemo umwuka mu nzu yibanagamo.

Umwe mu barimu bigishanyaga nawe kuri G.S Jarama utifuje ko amazina ye atangazwa yabwiye IGIHE ko uyu mwarimu amaze iminsi ari muzima atarwaye ndetse ngo yakosoraga impapuro z’ibizamini nk’abandi bose nta kibazo afite.

Umuyobozi w’urwunge rw’amashuri rwa G.S Jarama, Girukwayo Diogene, yabwiye IGIHE ko uyu mwarimu yibanaga mu nzu batahita bamenya icyamwishe.

Uyu muyobozi yavuze ko icyo kuvuga ko ari umunaniro bishobora kuba atari byo ngo kuko impapuro yakosoraga arizo asanzwe akosora, ikindi ngo ntabwo babakaga amanota mu buryo bwihutirwa kuko abana batazabona indangamanota vuba, yavuze ko yakosoraga gake gake nk’abandi kuburyo ngo bitamunaniza.

Ushinzwe uburezi mu Karere ka Ngoma, Hakizimana Alphonse, we yavuze ko kuri ubu umurambo wahise ujyanwa ku bitaro bya Kibungo kugira ngo ukorerwe isuzuma mbere yo gushyingurwa, yavuze ko abaganga aribo bazatangaza ikishe uyu mwarimu.

Mu cyumweru gishize mu Karere ka Muhanga naho habonetse umwarimu wapfuye bikekwa ko yishwe n’umunaniro.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .