Kwamamaza

Ngoma: Umukozi mu kigo nderabuzima yishwe arashwe

Yanditswe kuya 5-09-2016 saa 10:18' na Philbert Hagengimana


Christian Maniriho, wari umukozi mu kigo nderabuzima cya Nyange mu Murenge wa Nyange ho mu Karere ka Ngoma, yishwe arashwe mu ijoro ry’uyu wa 4 Nzeri 2016, hagakekwa amakimbirane hagati ye n’abo bakoranaga.

Umuvugizi wa Polisi mu Ntara y’Iburasirazuba, IP Emmanuel Kayigi yatangarije IGIHE ko Maniriho Christian yishwe arashishijwe imbunda mu masaha ya saa tatu z’ijoro ryo kuri iki cyumweru tariki ya 4 Nzeri, gusa ngo ntiharamenyekana abamwishe, kandi ngo ikigaragara ni uko ari we bashakaga gusa.

Yagize ati “N’ubwo iperereza ntacyo riragaragaza, abamurashe ni we bashakaga gusa, ntabwo bashakaga abaturage muri rusange cyangwa agatsiko runaka. Ntabwo ari igitero cyagabwe mu kagari cyangwa mu murenge.”

Imbunda yakoreshejwe ntiramenyekana kuko nta n’igitoryi (igisigazwa cy’isasu) Polisi yari yabona, gusa harakekwa ko hifashishijwe iyo mu bwoko bwa masotera (Pistol).

Maniriho yarasiwe ku kabari aho yari avuye kunywera, ndetse kuva mu ijoro ryakeye kugeza ubu hari abamaze gufatwa ngo bakorweho iperereza n’ubwo Umuvugizi wa Polisi yirinze kuvuga umubare wabo cyangwa abo ari bo bitewe n’uko bamwe barekurwa cyangwa hagafatwa n’abandi.

IP Kayigi yakomeje avuga ko urupfu rwa Miniriho ntaho ruhuriye n’abandi bantu baherutse kuraswa bashaka guhangana n’inzego z’umutekano zagiye kubafatira mu bikorwa byo gutegura gukorana n’imitwe y’iterabwoba.

Intandaro y’urupfu rwa Maniriho irakekerwa kuri Microscope

Umuvugizi wa Polisi mu Burasirazuba IP Kayigi Emmanuel yatangarije IGIHE ko urupfu rwa Miniriho hari abakeka ko rwaba rufitanye isano n’icyuma gipima cyitwa “Microscope”, giherutse kwibwa muri icyo kigo nderabuzima cya Nyange, maze ubuyobozi bugategeka ko abakozi bose bo muri Laboratwari bafatanya kwishyura.

Ibyo ngo byatumye bamwe batemera kwishyura, binateza amakimbirane muri icyo kigo nderabuzima, gusa mu gihe iperereza ritararangira, ntiharasobanuka uruhare rwe muri ayo makimbirane, cyangwa niba hari urwo yaba yari afite mu iyibwa ry’icyo cyuma ngo wenda bagenzi be babe ari cyo bamuhoye.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 25 September 2016
Copyright © 2009 -2014 - IGIHE Ltd - All Rights Reserved