00:00:00 IGIHE NETWORK KN KINYARWANDA EN ENGLISH FR FRANCAIS

Ngoma: Abagabo babiri barakekwaho kwica umwana wari uragiye ihene kugira ngo bazibe

Yanditswe na IGIHE
Kuya 25 Kanama 2021 saa 08:00
Yasuwe :
0 0

Ubushinjacyaha ku rwego rwisumbuye rwa Ngoma bwaregeye mu mizi abagabo babiri bakurikiranyweho kwica umwana bagira ngo babone uko bamwiba ihene yari aragiye.

Ku itariki ya 01 Nyakanga 2021 ahagana saa tatu za mu gitondo, bivugwa ko abaregwa bagiye aho ihene zari zahutse basanga ziragiwe n’umusore bamubaza niba ubwo yaragiye mu gitondo na nimugoroba ari we uribuziragire. Uwo mwana yababwiye ko ari murumuna we uri buziragire nimugoroba.

Mu ma saa cyenda uwo mwana yagiye kuragira izo hene mu kabande , abaregwa bamusangayo, basanga batari butware izo hene uwo mwana ahari baramufata babanza kumuzirika amaboko n’amaguru barangije bamutera ibyuma mu muhogo, ku maguru no ku maboko baramwica .

Bamaze kumwica, bamujugunye mu gishanga bamurambikaho ibyatsi, bajya gutira telefone bahamagara umukiriya ugura izo hene. Ubwo bari bamushyiriye izo hene nibwo bafashwe bashyikirizwa inzego z’ ubuyobozi.

Nibaramuka bahamwe n’ icyaha bazahanishwa ingingo ya ingingo ya 107 y’itegeko Nº 68/2018 ryo ku wa 30/08/2018 riteganya ibyaha n’ibihano muri rusange aho riteganya igifungo cya burundu.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .