Ndera :Abadepite basabye abaturage kurinda ibyagezweho

Yanditswe na Jean Pierre Tuyisenge
Kuya 24 Nzeri 2016 saa 01:15
Yasuwe :
0 0

Abadepite mu Nteko Ishinga Amategeko,Umutwe w’Abadepite basabye abaturage bo mu murenge wa Ndera kurinda ibyo bamaze kugeraho bahangana n’abashobora kubisenya.

Visi Perezida w’Inteko Ishinga Amategeko, umutwe w’Abadepite, Jeanne d’Arc Uwimanimpaye yabisabye abaturage nyuma yo gukorana umuganda na bo mu kagari ka Rudashya, muri uwo murenge kuri uyu wa Gatandatu tariki ya 24 Nzeri 2016.

Aganira n’abaturage nyuma y’igikorwa cy’Umuganda yagize ati “Iki gikorwa cy’umuganda ni imbaraga z’abaturage zituma tugera ku byiza igihugu cyifuza, ibi rero tugeraho tugomba kubirinda. Mwakwemera ko hagira ubisenya mureba?”

Mu biganiro abadepite bahaye abaturage, bakanabakemurira ibibazo babasabye kwishakamo ibisubizo batarinze gutegereza ubufasha burutse ahandi. Babasabye kandi kugira isuku haba ku mubiri, mu ngo no mu byo bakora byose.

Depite Mujawamaliya Berthe, na we wari muri icyo gikorwa yasabye abaturage bo muri ako Kagari kwicungira umutekano ariko bahereye mu rugo.

Yagize ati “Dukwiye kumenya ko umutekano utureba, tugomba kuwicungira ariko tuzirikana ko gutekana nyakuri bituruka mu ngo zacu.”

Visi-Perezida w'Inteko Ishinga Amategeko Umutwe w'Abadepite, Jeanne d'Arc Uwimanimpaye
Abadepite bakoranye umuganda n'abaturage
Depite Berthe Mujawamariya
Abaturage bagejeje ibibazo byabo ku badepite

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza