Musoni James yagizwe Ambasaderi

Yanditswe na Mathias Hitimana
Kuya 18 Ukwakira 2018 saa 09:18
Yasuwe :
0 0

Nyuma y’amezi atandatu akuwe muri Guverinoma, James Musoni, yagizwe Ambasaderi w’u Rwanda muri Zimbabwe.

Ni mu mavugurura Perezida Kagame, yakoze kuri uyu wa Kane, aho yavuguruye Guverinoma ndetse ashyiraho abandi bayobozi.

Ku wa 6 Mata 2018, Musoni nibwo yakuwe muri Guverinoma, ntiyagira undi mwanya ahabwa muri Leta. Minisiteri y’Ibikorwa Remezo yayoboraga ihabwa Gatete Claver, wari Minisitiri w’Imari n’Igenamigambi.

Musoni yoherejwe muri Zimbabwe aho u Rwanda rwari rusanzwe ruhagarariwe na Ambasaderi Vincent Karega, usanzwe aruhagarariye muri Afurika y’Epfo.

Musoni nk’umunyapolitiki ukomeye mu Muryango FPR Inkotanyi, yakoze imirimo inyuranye irimo kuyobora Ikigo cy’Igihugu cy’Imisoro n’Amahoro (RRA) hagati ya 2001 na 2005.

2005-2006 yabaye Minisitiri w’Ubucuruzi, Inganda, Iterambere ry’Ishoramari, Ubukerarugendo n’amakoperative.

Yanabaye Minisitiri w’Imari n’Igenamigambi kuva mu 2006 kugeza mu 2009, avayo aba Minisitiri w’Ubutegetsi bw’Igihugu (2009-2014). Iyi Minisiteri yayivuyemo ahita yinjira mu y’Ibikorwa remezo kugeza muri Mata uyu mwaka.

Musoni James yagizwe Ambasaderi w'u Rwanda muri Zimbabwe

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza