00:00:00 IGIHE NETWORK KN KINYARWANDA EN ENGLISH FR FRANCAIS

Musanze: Yafashwe abwira abaturage ko avura inyatsi

Yanditswe na Claude Bazatsinda
Kuya 7 Nzeri 2021 saa 02:58
Yasuwe :
0 0

Umugabo w’imyaka 36 yatawe miri yombi amaze kwambura abaturage akoresheje ubushukanyi , amafaranga y’u Rwanda agera ku bihumbi 110 ababeshya ko abavura inyatsi n’izindi ndwara zananiranye.

Yatawe muri yombi kuri uyu wa Mbere tariki 6 Nzeri 2021 ubwo yari amaze gutwara amafaranga y’abaturage batatu avuga ko agiye kubavura indwara zananiranye zirimo inyatsi.

Uyu mugabo bivugwa ko yaje aturutse i Kigali, yafatiwe mu Murenge wa Muhoza, aho uwo mugabo yafatiwe yambura abaturage.

Umunyamabanga Nshingwabikorwa w’Umurenge wa Muhoza, Manzi Jean Pierre yemeje aya makuru yavuze ko kugira ngo uyu mugabo afatwe byaturutse ku makuru yatanzwe n’abo yari amaze gutekera imitwe.

Yagize ati “Kugira ngo afatwe, abo yatuburiye bagejeje ikibazo cyabo ku buyobozi, kimaze gukurikirwanwa bigaragara ko ari umutubuzi ubeshya ko avura indwara zitandukanye mu buryo bwa gakondo. Kuri ubu yashyikirijwe RIB ikorera kuri sitasiyo ya Muhoza. Abaturage turabasaba kwirinda ababashuka bashaka kubakuraho imitungo yabo babizeza ubuvizi n’ibindi bikorwa bigamije kubacucura ibyabo.”

Mu girabo cy’amategeko ahana ibyaha akagena n’ibihano mu Rwanda, havugwamo ko umuntu wese wihesha umutungo w’undi, imari ye yose cyangwa igice cyayo mu buryo bw’uburiganya yiyitiriye izina ritari ryo cyangwa umurimo adafitiye ububasha cyangwa akizeza icyiza cyangwa agatinyisha ko hari ikibi kizaba, aba akoze icyaha.

Iyo abihamijwe n’urukiko, ahanishwa igifungo kitari munsi y’imyaka ibiri ariko kitarenze imyaka itatu n’ihazabu y’amafaranga y’u Rwanda atari munsi ya miliyoni eshatu ariko atarenze miliyoni eshanu.

Ibikoresho birimo imiti uwo mugabo yafatanywe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .