Musanze: Uruganda rw’inzoga rwibasiwe n’inkongi, abakozi batatu barakomereka

Yanditswe na IGIHE
Kuya 19 Mata 2017 saa 06:24
Yasuwe :
0 0

Uruganda rukora inzoga mu gihingwa cya Tangawizi rwitwa Umurage Enterprise LTD ruherereye mu Karere ka Musanze, rwibasiwe n’inkongi y’umuriro rwangiza ibyarimo n’abakozi barwo batatu barakomereka.

Iyi nkongi yabaye kuri uyu wa Gatatu, tariki 19 Mata 2017 mu ma saa sita, aho umuriro ngo waturutse mu mubazi y’umuriro y’uru ruganda nk’uko byemezwa n’Umunyamabanga Nshingwabikorwa w’Umurenge wa Cyuve, Nsengiyumva Telesphole.

Ati "Uruganda rwafashwe n’inkongi y’umuriro abakozi batangira kuzimya, ariko urebye yatangiriye muri compteur y’amashanyarazi ibanza gushya hanyuma iza gukwira mu kindi gice gikorerwamo inzoga."

Iyo nkongi kandi yakomerekeyemo abakozi batatu b’uru ruganda barimo umwe wahiye mu buryo bukomeye witwa Hakizimana Evariste uzwi nka Muneza, wahiye umubiri wose. Aba bose bari kuvurirwa ku bitaro bikuru bya Ruhengeri.

Uyu muyobozi avuga ko iyi nkongi ikimara, abaturage batabaye na Polisi yifashishije imodoka yabugenewe mu kuzimya inkongi y’umuriro, umuriro uzaima utarakwira mu nyubako yose.

Mu byangirijwe n’iyo nkongi harimo inzoga zari muri icyo gice cyahiye ku buryo ba nyir’uruganda bemeza ko ibyangiritse bifite agaciro kari hagati ya miliyoni 40 na 50 z’amafaranga y’u Rwanda.

Icyakora uru ruganda ngo rwari rufite ubwinshizi bwaba ubw’inkongi y’umuriro n’ubw’abakozi.

Igice cy'uruganda gikorerwamo inzoga cyahiye izarimo zirameneka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244