Kwamamaza

Musanze: Urubyiruko rw’Abayisilamu rwahigiye kurandura ubuhezanguni

Yanditswe kuya 8-08-2016 saa 08:25' na Bazatsinda Jean Claude


Urubyiruko rw’idini ya Islamu ruturuka mu gihugu hose rugera kuri 75 rwahagurukiye kurwanya ubuhezanguni n’ibikorwa by’iterabwoba bikunze kubitiririrwa.

Ibi babitangaje mu gihe hirya no hino ku isi ndetse no mu Rwanda hakunze kumvikana ibikorwa by’iterabwoba ndetse akenshi ugasanga byitirirwa abayoboke b’idini ya Islamu dore ko ababikora baba biyita ko ari abayislamu.

Uru rubyiruko rumaze icyumweru ruhabwa amasomo n’urwego rwa Polisi y’u Rwanda ifatanyije n’ubuyobozi bw’idini ya Islamu mu ntara y’Amajyaruguru .Ayo masomo arimo kurwanya ibiyobyabwenge ndetse n’icuruzwa ry’abantu.

Urubyiruko rw’idini ya Islamu rwari ruhagarariye abandi muri aya mahugurwa ruvuga ko ubu bumenyi rwungutse rugiye kubusangiza abandi ku buryo rwizeye ko ibi bikorwa bitazigera byongera kugaragara mu gihugu ukundi.

Nsangira Abdul, umunyeshuri wiga muri Arabie Saoudite uri kurangiza icyiciro cya gatatu cya Kaminuza (Masters) ku bumenyi bw’idini ya Islamu yavuze ko bagye gufasha urubyiruko kureba kure, bagendeye ku cyerecyekzo cy’igihugu.

Yagize ati “Tugomba kwereka urubyiruko icyerekezo cy’igihugu cyacu ndetse n’icy’idini ya Islamu tubafasha kureba kure kuko ubutagondwa ntabwo bwageza umuntu mu ijuru no ku buzima bwiza duhereye k’uwemera.”

Nsangira yakomeje asaba urundi rubyiruko kurushaho gukangukira gukora ibibateza imbere aho gukomeza kwijandika muri ibyo bikorwa by’ubuhezanguni.

Umuyobozi w’abayislamu mu ntara y’Amajyaruguru, Sheikh Ismail Sehf avuga ko basabye uru rubyiruko kuba intumwa nziza zizafasha guhindura abandi.

Yagize ati “Islam iri kure cyane y’ubutagondwa n’iterabwoba ku bw’ibyo bagomba kwigisha abandi ko ikiyobyabwenge ari ikizira bagomba kukigendera kure kandi bamenye ko ntaho biri mu kwemera kwa Islam.”

Ni ku nshuro ya kane ibikorwa nkibi byo guhugura urubyiruko rw’idini ya Islam kuri gahunda za Leta ndetse n’ibikorwa bibateza imbere bibaye.

Abitabiriye aya mahugurwa bahabwaga amasomo na Polisi y'igihugu
Urubyiruko rwahigiye kurandura ubutagondwa mu gihugu

[email protected]


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 30 Nzeri 2016
Copyright © 2009 -2014 - IGIHE Ltd - All Rights Reserved