Musanze: Umuturage yafatanywe intwaro za gisirikare iwe

Yanditswe na Philbert Girinema
Kuya 21 Nzeri 2016 saa 12:42
Yasuwe :
0 0

Umugabo wo Murenge wa Muhoza mu Karere ka Musanze, yafatanywe igisasu cyo mu bwoko bwa gerenade n’icyuma cya gisirikare bakunze kwita Bayonet.

Ku wa Mbere tariki ya 19 nzeri 2016, nibwo uyu mugabo wahoze ari umusirikare yafatanywe gerenade n’icyuma cya Bayonet nyuma y’uko bitangajwe n’umugore we.

Umunyamabanga Nshingwabikorwa w’Umurenge wa Muhoza Sebashotsi Jean Paul yemereye IGIHE ko umugore w’uyu mugabo ariwe watanze amakuru y’uko uwo bashakanye afite gerenade na Bayonet.

Yagize ati “Umugore we yavuze ko yayibonye agiye guterura matola ngo ayijyane hanze abisanga munsi y’igitanda.”

Yakomeje avuga ko uyu mugore yatanze aya makuru cyane cyane ko yari asanzwe afitanye amakimbirane n’umugabo we.

Yagize ati “ Umugore yabivuze kuko bari banafitanye amakimbirane kubera ko ngo ku Cyumweru yari yamuhunze kuko yari yamubwiye ari bumwice.”

Kugeza ubu uyu mugabo afungiye kuri Sitasiyo ya Polisi ya Muhoza, aho akomeje gukorwaho iperereza.

Gerenade n’icyuma byasanzwe munsi ya matola

Urifuza kuduha amakuru? Hamagara iyi nimero 4546
Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza