Kwamamaza

Musanze:Imodoka yo mu bwoko bwa Minibus yahiye irakongoka

Yanditswe kuya 13-09-2016 saa 15:20' na Jean Claude Bazatsinda


Imodoka itwara abagenzi yo mu bwoko bwa Tagisi Minibus yahiriye mu igaraje irakongoka, abayikoraga bakaba bavuga ko batazi icyateye iyi mpanuka kuko na bo babonye umuriro waka bakihutira kuyiva munsi.

Iyi modoka yari uy’uwitwa Sekivange Emmanuel yatwaraga abagenzi ku muhanda Musanze -Rubavu yaje mu igaraje ngo bayitere irangi banayisuzume.

Uwitonze Alexis, umwe mu bakanikaga iyi modoka yagize ati “Twari munsi yayo tuyifungura rasoro tugiye kumva twumva itangiye kunuka tuvamo byihuse,dusanga umuriro watangiye kwaka, tugerageza kuyizimya biba iby’ubusa.”

Hakizimana Jean de Dieu na we ukanika muri iri garaje yagize ati “Twe ntitwamenya icyaba cyateye iyi nkongi kuko ibyo twayikoraga bitagira aho bihuriye n’umuriro gusa dutungurwa no kubona ihiye.”

Nyiri iyi modoka,Sekivange Emmanuel,uretse kuvuga ko yari aje guteza irange no kuyisuzumisha nta kindi yigeze atangaza.

Iyi modoka yaje kuzimywa na polisi y’igihugu hifashishijwe kizimyamwoto yabo gusa ntibyayibuje gukongoka, icyakora byarinze izindi zari ziyegereye kuba zafatwa n’inkongi.

Nta gihe kinini gishize imodoka nk’iyi yo mu bwoko bwa Toyota Hiace ya Iyakaremye Yusuf yari muri gare ya Musanze na yo ikongotse.

Iyi modoka nyuma yo kuzimywa

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved