Kwamamaza

Musanze: Imwe mu miryango yari yafunganwe n’amatungo kubera mituweli yagobotswe

Yanditswe kuya 4-10-2016 saa 15:08' na Bazatsinda Jean Claude


Abaturage 34 bo mu miryango itanu yo mu Kagari ka Kabeza, Umurenge wa Cyuve, batangiwe ubwisungane mu kwivuza (Mituelle de Santé).

Aba baturage bishyuriwe na Ezechias Nsanzabera, Umunyarwanda uba muri Denmark,nyuma yo kumneya amakuru ko nta bushobozi bari bafite bwo kwiyishyurira.

Nsengiyumva Jean Pierre, umwe mu bahawe mituweli yagize ati"Turishimye cyane kandi ibi bitwereka ko abanyarwanda bashishikajwe n’iterambere rya buri wese, natwe tuzagerageza gufasha abandi muri bike dushoboye haba mu miganda n’ibindi."

Dusabimana Françoise na we yagize ati"Nari nkennye bikabije narabuze amafaranga ya mituweli ariko ubu ngiye kujya nivuza nta kibazo kibaye kandi uyu mugiraneza ampaye ubuzima."

Niyirora Louise wari uhagarariye Ezechias Nsanzabera, yasabye aba batangiwe mituweli gukomeza ibikorwa bizabafasha gutera imbere baharanira kudahora mu cyiciro gifashwa, ahubwo na bo bakagera ku rwego rwo gufasha abandi.

Yagize ati"Gufasha umuntu neza ni ukumufasha kwifasha ntahore afashwa, duhereye kuri mituweli kugira ngo bavurwe, ariko tuzakomeza kugerageza kubaba hafi tubafashe kwiteza imbere, icyo basabwa ni ukwiga imishinga ifatika."

Ibi bikozwe nyuma y’aho ku wa 17 Nzeri 2016 IGIHE yatangaje inkuru ivuga ko abaturage 27 bo mu Kagari ka Kabeza, Umurenge wa Cyuve, bafunganwe n’amatungo yabo mu biro by’akagari bazizwa kudatanga mituweli, maze uyu munyarwanda yiyemeza kwishyurira abagera kuri 34.

Yabasabye gutekereza umushinga ubateza imbere ubundi bakabafasha kuwuteza imbere
Niyirora Louise wari uhagarariye Nsanzabera yavuze ko bafashishe aba baturage mu rwego rwo kubaha intangiriro yo kwifasha ubwabo

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved