Kwamamaza

Musanze: Abaturage 27 bafunganwe n’amatungo yabo bazira kudatanga mitiweli

Yanditswe kuya 17-09-2016 saa 13:51' na Bazatsinda Jean Claude


Abayobozi n’abashinzwe umutekano bazindukiye mu gikorwa cyo gufata abataratanga umusanzu w’ubwisungane mu kwivuza ndetse bahita babafungira mu biro by’akagari ka Kabeza, mu Murenge wa Cyuve ho mu Karere ka Musanze.

Uyu mukwabu wabaye mu gitondo cyo kuri uyu wa Gatandatu taliki 17 Nzeri 2016, ubuyobozi bwafashe abantu bahagarariye imiryango 27 bajyanwa ku kagari ka Kabeza ndetse bamwe muri bo bafatanwe n’amatungo yabo.

Nsengiyumva Jean Pierre, umwe muri aba baturage bafashwe afite umuryango w’abantu 12 yagize ati “Nsanzwe ntanga mitiweli ariko ubu sinari nayitanga kuko maze iminsi mike mfunguwe,ariko ndi gushaka uburyo nayitanga uretse ko bahise baza bakanziturira ihene kandi zose si izanjye harimo niyo ndagiriye undi muntu.”

Hagumimana Jean Claude we avuga ko atirengagije gutanga mitiweli ahubwo yagize izindi mbogamizi.

Ati “ Mfite umuryango w’abantu barindwi, sinari nabona amafaranga yo kwishyura mitiweli kuko ayo nabonye nabanje kuyishyurira abanyeshuli birukanwe ku ishuri. Ubu nari ndi gushakisha ninyabona nzahite nihutira gukemura iki kibazo.”

Umunyamabanga Nshingwabikorwa w’Umurenge wa Cyuve Manzi Jean Pierre yemeye ko gufunga abaturage ndetse no gufatira imitungo yabo binyuranyije n’amategeko ahubwo bikorwa mu buryo bwo kubahwitura hagamijwe kubigisha kandi bitanga umusaruro.

Yagize ati “Abo turabigisha kandi ubona ko bayatanga, kwigisha ni uguhozaho ariko abantu ntibumvira rimwe gusa ntitugomba gucika intege tuzakomeza kugeza bicyemutse.”

Amakuru agera kuri IGIHE n’uko uyu mukwabo uri gukorwa mu Murenge wose wa Cyuve kuko hari n’irindi tsinda ry’abayobozi n’abashinzwe umutekano bagiye mu tundi tugari tuwugize.

Abafatiwe muri uyu mukwabu bamwe bagejejwe ku biro by’akagari saa moya za mu gitondo, kugeza saa sita bari batararekurwa bikavugwa ko bategereje Umunyamabanga Nshingwabikorwa w’Umurenge ngo bakorane inama.

Abafashwe harimo n'abaziturirwaga amatungo yabo
Abashinzwe umutekano bacunze abafungiye mu biro by'Akagari ka Kabeza
Amatungo nayo yagwatirijwe
Ibiro by'Akagari ka Kabeza aho abataratanga mitiweli bafungiwe

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved